ایرما قاسیرغاسی وورماغا باشلادی
آمریکا پرزیدنتی دونالد ترامپ، هفته سونو فلوریدایا چاتماسی گؤزلنن ایرما سببی ایله فلوریدا، پورتو ریکو و ویرجین آدالاریندا اولاغان اوستو دوروم اعلان ائتدی
ایرما قاسیرغاسی، آمریکا بیرلشمیش شتاتلاری و کاراییبین قوزئییندهکی آدالاری وورماغا باشلادی.
اولوسال هاوا دایرهسی، 5.جی کاتگوریده یئر آلان و کولک سرعتی ساعاتدا 295 کیلومتره چاتان ایرما قاسیرغاسینین، کاراییب آدالارینین قوزئیینده ائتکیلی اولماغا باشلادیغینی آچیقلادی.
پورتو ریکو، باربودا آداسی اوزریندن گئچدیگی زامان تلفن خطلرینین کسیلدیگی بیلدیریلدی.
آمریکا پرزیدنتی دونالد ترامپ، هفته سونو فلوریدایا چاتماسی گؤزلنن ایرما سببی ایله فلوریدا، پورتو ریکو و ویرجین آدالاریندا اولاغان اوستو دوروم اعلان ائتدی.
باهاما آدالاری باشباخانی هوبرت مینیس ده حکومتین، قاسیرغا سببی ایله گونئیدهکی آدالارین مجبوری تخلیهسی گؤستریشی وئردیگینی سؤیلهدی.
اؤتن هفته آمریکانین تگزاس ایالتینی ووران هاروئی قاسیرغاسیندا 66 نفر حیاتینی ایتیرمیشدی.
یوز مینلرجه آبونهنین برقسیز قالدیغی، کؤرپولر و یوللارین زیان گؤردوگو قاسیرغادا تخمینی زیانین 150 میلیارد دلار اولدوغو ایفاده ائدیلیر.
ایلگیلیلی خبرلر
یانغیندا ۹ نفر جان وئردی
هیندیستاندا بیر فابریکادا میدانا گلن پاتلاما و سونراسیندا چیخان یانغیندا، ۹ نفر اؤلدو
پاپوا یئنی گینهده تورپاق سوروشمهسی؛ 100 اؤلن
پاپوا یئنی گینهده باش وئرن سوروشمه نتیجهسینده 100-دن چوخ آدامین اؤلدویو تخمین ائدیلیر