یمنده وبا اپیدمیسیندن تأثیرلنن 82 مین نفر معالیجه ائدیلدی
آچیقلامادا، آوریل آییندان بو یانا ایسه وبا اپیدمیسیندان تأثیرلنن 82 مین نفرین معالیجه ائدیلدیگی ائشیتدیریلدی
مرز تانیمایان دوکتورلار تشکیلاتی، یمنده وبا اپیدمیسیندن تأثیرلنن 82 مین نفر ایله 67 مین ساواش یارالیسینی معالیجه ائتدی.
مرز تانیمایان دوکتورلار تشکیلاتیندان ائدیلن یازیلی آچیقلامادا، ساغلیق قروپلارین سون ایکی ایل بئش آیدا آرالاریندا قادین و اوشاقلارین دا اولدوغو 67 مین یارالینین، آوریل آییندان بو یانا ایسه وبا اپیدمیسیندن تأثیرلنن 82 مین نفرین معالیجه ائدیلدیگی ائشیتدیریلدی.
یمنده 12 ایلده 40 خستهخانادا ساغلیق دستگی وئریلدیگی ایفاده ائدیلن آچیقلامادا، ساواش سببیله ساغلیق ساحهسینده بؤیوک اکسیکلیک یاشاندیغی، طیبی خیدمتلر آخساقلیقلار اولدوغو و بو سببله میلیونلارلا اینسانین کمکه محتاج اولدوغو معلوماتی پایلاشیلدی.
آچیقلامادا، بین الخالق تشکیلاتلارا یمن خالقینا کؤمک و دستکلرینی آرتیرما چاغیریشی دا ائدیلدی.
یمنده ایکی ایلدن اوزون مدتدیر داوام ائدن چاتیشمالار سببیله اؤلکه ایچینده یئریندن ائدیلمیش تخمینن 3 میلیون نفرین، تمیز ایچمهلی سو اولماماسی و توللانتیلارین توپلاناماماسی نتیجهسینده درحال هر گون وبایا توتولما ریسکی وار.
بیرلشمیش میللتلر تشکیلاتینین، یمندکی وبا اپیدمینین آز قالا اؤلکهنین هامیسینا یاییلدیغینی و تخمینن 2 مین نفره وبا سببیله اولدوغونو آچیقلامیشدی.
اوزون مدتدیر سیاسی ایستیقرارسیزلیغین یاشاندیغی یمنده حوثیلر و اونلارا دستک وئرن کئچمیش پرزیدنت علی عبدالله صالح طرفدارلاری ایله سعودی عربیستانی لیدرلیگیندکی بین الخالق کوالیسیونون دستکلدیگی قانونی حکومت گوجلری آراسینداکی چاتیشمالار، اؤلکهنین بعضی شهرلرینده داوام ائدیر.