تورکیه، ساغلیق توریزمینده ایلک 3 اؤلکه آراسیندا
ساغلیق توریزمی باشاریسیندا، کیفیتلی خیدمتین یانیندا اؤدمهلرین اویغونلوغو دا تأثیرلی اولور
تورکیه، ساغلیق توریزمینده ان چوخ ترجیح ائدیلن ایلک 3 اؤلکه آراسیندا.
چونکو، اؤزللیکله کؤک حجره و سرطان معالیجهسینده دونیانین ان باشاریلی جراحلاری تورکیهدهدیر.
تورکیه، تخمینا 1200 پلاستیک جراحییلا ایله دونیادا 9.جو سیرادا.
آرالاریندا سون تکنولوژیک تجهیزاتا صاحب خستهخانالارین دا اولدوغو 2000 ساغلیق قوروموندان 54و جیسیآی (جوینت کوممیشین اینترنشنل) اونایلیدیر. بو، دونیا میقیاسیندا بو کاپاسیتهیه صاحب اولان 58 اؤلکه آراسیندا یوزده 21لیک بیر نیسبت.
ساغلیق توریزمی باشاریسیندا، کیفیتلی خیدمتین یانیندا اؤدمهلرین اویغونلوغو دا تأثیرلی اولور.
بایپاس تورکیهده 8500 - 21 مین دلار آراسیندا ایکن آوروپادا 39 - 43 مین دلار.
ساچ اکیمی تورکیهده مین - 3 مین دلار آراسیندا ایکن آوروپادا 10 مین یورو، آمریکادا 30 مین دلار دولاییندا.
ساغلیق توریزمینده گلیر گؤزلنتیسی 2017-2018.جی ایللرده 9-10 میلیارد دلار، 2023.جو ایلده ایسه 20-25 میلیارد دلار اولاراق تعیین اولوندو.
گئچن ایل تورکیهیه ان چوخ خاریجی خسته آگوست آییندا گلدی. بو آیدا گلن 43 مین 856 خسته ساییسینی، 34 مین 150 ایله جولای آیی ایزلهدی.
خاریجی خستهلرین ان چوخ سئچدیگی شهرلر سیرالاماسیندا ایسه ایستانبول باشدا گلیر. بونو، آنکارا، آنتالیا، ایزمیر و موغلا تعقیب ائدیر.