یاتمیش گؤزل" ناغیلی گئرچک حقیقت اولدو
روسیانین پئرووورالسک شهرینده آنیا آدلی 6 آیلیق اوشاق آناسینین سودونو امدیگی واخت یوخویا گئدیب و تخمینن بیر هفته فاصیلهسیز یاتیب.
روسیانین پئرووورالسک شهرینده آنیا آدلی 6 آیلیق اوشاق آناسینین سودونو امدیگی واخت یوخویا گئدیب و تخمینن بیر هفته فاصیلهسیز یاتیب.
خستهخانایا آپاریلان کؤرپهنین نیه بو قدر یاتدیغی معین اولونا بیلینمهییب، حکیملر بو وضعیته چاره آختاریرلار.
آنا آلکساندر متیولکینا:"یاتمیش گؤزل" ناغیلینی دوشونورم . اورادا دا بیر شاهزاده قیز یاتیردی و کیمسه اونو اویادا بیلمیردی. آنیا دا بیر گون اونو امیزدیررکن یاتدی و اویانمادی. اولجه کومایا دوشدوگونو گومان ائتدیم، اما حکیملر اوشاغین یاتدیغینی دئدیلر. خستهخانایا ایلک دفعه گئدنده، بیردن اویانیب یئمک ایستهدی. ائوه آپاردیق، اما یئنه یاتدی و اونو اویاندیرا بیلمدیک" دئییر.
اوشاغین گونلرله یاتاراق، یالنیز بیر نئچه ساعت اویاق قالدیغینی بیلدیرن متیولکینا: "اویاندیقدان سونرا اوزو قیزاریر، آتشی یوکسلیر و تیترمهیه باشلاییر. حکیملر یوخو زامانی آنیانین اورک ریتمینین آزالدیغینی موشاهیده ائتدیلر. لاکین بونون نه اولدوغو تام اولاراق بیلینمیر. اول مننژیت و یا آنسفالیت اولدوغونو دوشوندولر. آنجاق تستلر بئیین و سینیر سیستمینده پروبلئم اولمادیغینی گؤستردی. قلبی ده نورمال چیخدی. ژنتیک تستلر ده آپاریلدی. آنجاق بوتون نتیجهلر نرمال چیخدی. حکیم لر ان سوندا اپیلپسینین باشلانغیجی اولدوغونو گومان ائتدیلر، تستلر بونو دا گؤسترمهدی".
متیولکینا، یاتاندا یئییب-ایچمهین و توالته گئتمهین اوشاغین بدن حرارتینین 35 درجهیه دوشدوگونو سؤیلییر.