رجب آکداغ تورکیه-ده ساغلیق خدمتیندن دانیشدی
تورکیهنین ساغلیق ناظیری رجب آکداغ تورکیهده ساغلیق خیدمتینین دونیانین بیر چوخ اؤلکهسیندن ایرهلیده اولدوغونو بیلدیردی.
تورکیهنین ساغلیق ناظیری رجب آکداغ تورکیهده ساغلیق خیدمتینین دونیانین بیر چوخ اؤلکهسیندن ایرهلیده اولدوغونو بیلدیردی.
آکداغ: "ساغلیق خیدمتی آمریکا-دا آدام باشینا 9 مین دولارا باشا گلدیگی حالدا، تورکیهده بو رقم 500 دولاردیر" دئدی.
آکداغ ارضوروم-ون اولتو قصبهسینده وطنداشلارلا گؤروشدو.
آمریکا-دا هر وطنداشین ایلده 9 مین دولار ساغلیق خرجینه رغمن،30 میلیون آمریکالینین خستهخانالارین قارشیسیندا چارهسیز وضعیتده قالدیقلارینی وورغولایان آکداغ: "تورکیهده 80 میلیونون هامیسی دؤولت خستهخانالاریندا موالیجه اولونا بیلیر، یوخسولون دا موالیجه حاقینی دؤولت اؤدییر" دئدی.
تورکیهنین ساغلیق ساحهسینده سون ایللرده بؤیوک بیر سیچراییشلا ایرلیلدیگینی وورغولایان رجب آکداغ اؤلکهنین هر بوجاغیندا خستهلر اوچون پولسوز اولاراق هلیکوپتر آمبولانس خیدمتینین فعالیت گؤستردیگینی بیلدیردی.
ساغلیق خیدمتلرینین اؤلکه حدودلارینی دا آشدیغینی قئید ائدن آکداغ وطنداشلارین عمره عبادتی اوچون گئتدیکلری سعودی عربیستان-ینداکی مقدس توپراقلاردا دا پولسوز اوچاق آمبولانس خیدمتینین اولدوغونو خاطیرلاتدی.
آکداغ تورکییه-ده بوتون ساغلیق خیدمتلرینین آمریکا-دان داها صرفهلی و داها کیفیتلی حیات کئچیریلدیگینی سؤیلهدی.