دونیانین ایکینجی ان اوزون ماغاراسی - چال ماغاراسی

ترابزونون دوزکؤی قصبه‌سینده دنیز سویه‌سین‌دن 1050 متر یوکسک‌لیکده یئرلشن چال ماغاراسی دونیانین ان اوزون ایکینجی ماغاراسی‌دیر.

اطرافین‌داکی طبیعی گؤزل‌لیک‌لری و ایچینده کی استالاگمیت لری ایله دقت چکن ماغارا تخمینن 14 ایلدیر کی، یئرلی توریزمین اهمیت‌لی نقطه‌لرین‌دن بیری‌دیر.

اوستونده قالا یئرلشن و ایچیندن چای کئچن ماغارایا تخمینن 200 مترلیک تاختا پیللکنله قالخماق اولور. سونرا یول ایکی حیصه‌یه آیریلیر. سول حیصه‌ده 150 مترلیک مصافه‌دن سونرا آهک داشی اوزرینده اووال شکیل‌لی چوخوردان گلن سویون آخدیغی باجا گؤرونور.

ماغارانین تخمینن 400 مترلیک یولو اولان ساغ قولونون 60 مترلیک حیصه‌سینده گؤل و شلاله فرق‌لی بیر گؤزل‌لیک یارا‌دیر.

ماغارانین ایچری‌سین‌دن کئچن چایین دیبی فصله گؤره دییشیر. یاغیش‌لی فصیللرده ماغارانین ایچین‌دکی سویون درین‌لیگی 1،5 متره یوکسلیر، یای آیلاریندا سویون سویه‌سی 25 سانتیمتره قدر دوشور.

آسم و سینوزیت خسته‌لیک‌لرینه فایدالی اولان چال ماغاراسی یئرالتی‌نین گیزلی جننتی کیمی تانینیز.

ایل بویو تورییزمه آچیق اولان تخمینن 25 مین یئرلی و خاریجی توریستین سفر ائتدیگی ماغارانین تخمینن 1 کیلومترلیک حیصه‌سینی گزمک مومکون‌دور.