اورست داغینین یوکسکلیگی یئنی‌دن اؤلچوله‌جک
بعضی بیلیم آدام‌لاری داغین یوکسک‌لیگی‌نین آزالدیغینا اینانیر، آنجاق بو مؤوضوعدا کسین بیر دلیل یوخ
اورستین یوکسکلیگی یئنی‌دن اؤلچوله‌جک.
هیندیستان، دونیانین ان یوکسک داغی اولاراق قبول ائدیلن اورستین یوکسک‌لیگی‌نین 2015.جی ایلده نپالدا میدانا گلن زلزلهدن دولایی دییشیب دییشمه‌دیگینی تعیین ائتمک اوچون داغدا یئنی اؤلچوم‌لر ائده‌جک.
اؤلچوم‌لری ائده‌جک قروپون بؤلگه‌یه ایکی آی ایچری‌سینده گؤندریلمه‌سی پلانلاشدیریلیر.
داغین یوکسکلیگی، کوره‌سل قونوملاما سیستمی (جی‌پی‌اس) و اوچگئنلئمئ اوسولویلا اؤلچوله‌جک.
بعضی بیلیم آدام‌لاری داغین یوکسک‌لیگی‌نین آزالدیغینا اینانیر، آنجاق بو مؤوضوعدا کسین بیر دلیل یوخ.
اؤته یاندان، آمریکا ژئولوژی آراشدیرما مرکزی، هیمالیا‌لارین بیر حیصه‌سی‌نین یوکسک‌لیگی‌نین 25 آوریل 2015.جی ایلده نپالدا میدانا گلن 7،8 بؤیوکلوگون‌دکی زلز‌له‌نین آردین‌دان 1 متر قدر آزالدیغینی آچیقلامیشدی.
اویدو بیلگیلری ایسه زلز‌له‌نین آردین‌دان اورستین ذیروه یوکسک‌لیگی‌نین آزالدیغینا ایشاره ائدیر.
نپالدا 25 آوریل و 12 می 2015.جی ایلده‌کی ایکی زلز‌له‌ده 8 مین‌دن چوخ انسان حیاتینی ایتیرمیش، 22 مین نفر یارالانمیشدی. سون 80 ایلین ان بؤیوک زلزله فلاکتینی یاشایان اؤلکه‌ده یوز مین‌لرجه انسان ائوسیز قالمیشدی.
