قوشلار ارکن کؤچور
هاوا ایستیلیگی‌نین آرتدیغی هر بیر درجه اوچون قوش‌لارین یایدا اوره‌دیکلری یئر‌لره بیر گون ارکن کؤچ ائتدیگی گؤزلملندی
کوره‌سل ایستیلشمه قوش‌لارین ارکن کؤچ ائتمه‌سینه یول آچیر.
اینگیلتره‌دکی ادینبورگ اونیوئرسیته‌سینده بیلیم اینسان‌لاری‌نین 5 قاره‌ده یوزلرجه قوش نؤوعونو اینجه‌له‌یرک ائتدیگی آراشدیرما، قلوبال هاوا ایستیلیک‌لری‌نین یوکسلمه‌سی‌نین کؤچری قوش‌لارین اوره‌مه یئر‌لرینه ارکن‌دن کؤچ ائتمه‌لرینه سبب اولدوغونو اورتایا قویدو.
آراشدیرمادا، هاوا ایستیلیگی‌نین آرتدیغی هر بیر درجه اوچون قوش‌لارین یایدا اوره‌دیکلری یئر‌لره بیر گون ارکن کؤچ ائتدیگی گؤزلملندی.
قوش‌لارین اوره‌مه یئر‌لرینه بیر نئچه گون بئله اولسا یانلیش زاماندا گئتمه‌سی‌نین قیدا و یووا یئرلری کیمی اؤزلری اوچون حیاتی اؤنمی اولان قایناق‌لاری تاپما‌لارینی چتینلشدیردیگی آیدین اولدو.
قوش‌لارین اوره‌مه یئر‌لرینه گئج چاتماسی‌نین بالا‌لاری‌نین یومورتا‌دان چیخما واختینی و حیاتدا قالما شانس‌لارینی ائتکیله‌دیگی گؤرولدوگو چالیشمادا آیریجا، اوزون مسافه‌لرین قطع ائدیلدیگی کؤچ‌لرده قوش‌لارین، هاوا‌لارین ایستیلشمه‌سی ایله اوره‌مه یئر‌لرینه اؤزلرین‌دن قاباق چاتان قوش‌لارا گؤره بؤلگه‌نین اوستونلوک‌لرین‌دن یارارلاناممادیق‌لاری بللی اولدو.
