ان ایستی ایل
2016نین، آفریقا استثنا اولماقلا بوتون قارهلرده سون 5 ایلین ان ایستی ایلی اولاراق قید ائدیلهبیلهجگی ایفاده ائدیلدی
دونیا متورولوژی هؤرگوتو کورهسل ایقلیم راپوروندا، 2015ین قید ائدیلن ان ایستی ایل اولدوغو، بو رکوردون احتیمالا 2016دا قیریلاجاغی بیلدیریلدی.
دونیا متورولوژی هؤرگوتونون (WMO) مراکشده تشکیل ائدیلن کورهسل ایقلیم دانیشیقلاریندا آچیقلانان، 2011-2015 قلوبال ایقلیم راپورونا گؤره، 2016نین، آفریقا استثنا اولماقلا بوتون قارهلرده سون 5 ایلین ان ایستی ایلی اولاراق قید ائدیلهبیلهجگی ایفاده ائدیلدی.
راپورون آچیقلاندیغی ییغینجاقدا دانیشان WMO باش کاتیبی پتر تالاس،
"بو راپور 2015دهکی ایستیلیگین، هله ده اورتالاما 1 درجهلیک آرتیش سویهسینه چاتدیغینی اورتایا قویماقدادیر. 2015.جی ایلین ان ایستی ایل اولدوغو، 5 ایللیک ان ایستی دؤورو یاشادیق. یقین بو رکورد 2016دا قیریلاجاق" دئدی.
دوغو آفریقادا 2010-2011.جی ایللرده یاشانان و تخمینا 258 مین نفرین اؤلومونه سبب اولان قوراقلیغین، ایستیلیک آرتیشییلا علاقهلی اولدوغو قید ائدیلن راپوردا، آیریجا 2015.جی ایلده پاکیستان و هیندیستانداکی ایستی دالغالارینین 4 مین 100دن چوخ انسانین اؤلومونه سبب اولدوغونا ایشاره ائدیلدی.