آمریکادا فوق العاده حال اعلان ائدیلدی
متخصصلر "فیرتینا و قار قیسا بیر مدت ایچریسینده آمریکانین شرقینی تأثیری آلتینا آلاجاق" هشدارینی ائدیر
آمریکانین شمال-شرق ایالتلرینده حیاتی فلج ائدن فیرتینا، نیو یورک، نیو جرسی، کنکتیکوت، رود ایسلند و ماساچوست بؤلگهلرینده فوق العاده حال اعلان ائدیلمهسینه یول آچدی.
ساعاتدا 130 کیلومتر سرعتله اسن کولیین بؤیوک تهلوکه میدانا گتیردیگینی ایفاده ائدن متخصصلر "فیرتینا و قار قیسا بیر مدت ایچریسینده آمریکانین شرقینی تأثیری آلتینا آلاجاق" هشدارینی ائدیر.
نیو یورک بلدیه باشقانی بیل ده بلاسیو، تاریخین ان تهلوکهلی هاوا شرطلری ایله قارشی-قارشییا اولدوقلارینا دایر خالقی هشدارلیق وئردی.
اؤلکهده کئچن ایلکی منفی هاوا شرطلری 13 نفرین اؤلومونه سبب اولموشدو.
قار فیرتیناسی، کانادانی دا ووردو.
اؤلکهنین شرقیندکی نیو برونسویک، نووا سکوتیا و پرینس ادوارد آیلند ایالتلرینده تأثیرلی اولان آغیر قیش شرطلری اوزوندن یوللار ترافیکه باغلاندی. یوزلرله ایچ و خاریجی خط اوچوشو لغو ائدیلدی.
شدتلی یاغان قارا سرعتی ساعاتدا 100 کیلومتره چاتان فیرتینا دا علاوه اولونونجا مکتبلر تعطیل ائدیلدی.
کانادا مئتورولوژی خیدمتلری، بؤلگهده تأثیرلی اولان هاوا سیستمینین شمال-شرقه دوغرو گئنیشلهیهجگینی ائشیتدیردی.
متخصصلر، خالقین، چرشنبه گئجهسینه قدر تأثیرلی اولاجاق قار فیرتیناسینا قارشی دقتلی اولماسینی ایستهدی.