ایقلیم دییشیک‌لیگی اجلاسی صاباح نیو یورکدا باشلایا‌جاق
نیویورک‌داکی گئدیشه 100 مین‌دن چوخ آدامین قاتیلدیغی تخمین ائدیلیر. ایشتیراکچی‌لار آراسیندا بیرلشمیش میللت‌لر تشکیلاتی‌نین باش کاتیبی بان کی موون، سینما اویونچوسو لئوناردو د کاپریو، اسکس آمریکان باشقانی کؤمکچی‌سی آل گور کیمی آدلار دا یئر آلیر
بیرلشمیش میللت‌لر تشکیلاتی‌نین ایقلیم دییشیک‌لیگی اجلاسی صاباح نیویورکدا باشلایا‌جاق.
نیویورک باشقا اولماق عذره، دونیانین دؤرد بیر یانین‌دان میلیون‌لارلا آدام، قلوبال ایستیلشمه‌یه یول آچان کاربون تؤرمه‌سی گازلارین ایستیفاده‌سی‌نین آزالدیلماسی ایستگی ایله کوچه‌لره تؤکولدو.
نیویورک‌داکی گئدیشه 100 مین‌دن چوخ آدامین قاتیلدیغی تخمین ائدیلیر. ایشتیراکچی‌لار آراسیندا بیرلشمیش میللت‌لر تشکیلاتی‌نین باش کاتیبی بان کی موون، سینما اویونچوسو لئوناردو د کاپریو، اسکس آمریکان باشقانی کؤمکچی‌سی آل گور کیمی آدلار دا یئر آلیر.
اینگیلتره‌نین باشکند لندن‌دکی گئدیشه ایسه 40 مین آدام قاتیلدی. مشهور سینما اویونچوسو اما تامسون، و موسیقیچی پتر گابریل ده ایشتیراکچی‌لار آراسیندا ایدی.
گئدیشه قیزی ایله بیرلیکده قاتیلان اما تامسون، تمیز انرژی چاغیریسی ائتدی.
فرانسانین باشکند پاریس‌دکی گؤستریه چوخو بیسیکلتچی 5 مین آدام قاتیلدی. گؤستریچی‌لر سیاستچی‌لری آرتیق حرکته کئچمه‌یه چاغیردی، ایقلیم دییشیک‌لیک‌لرین‌دن قورونماق اوچون هر کسه وظیفه دوشدوگو بیلدیریلیب.
فرانسانین دیگر شهرلرینده تشکیل ائدیلن گؤستری‌لرده ده، "قلوبال ایستیلشمه بیر بانک اولسایدی، چوخ‌دان قورتاردیق" یازی‌لی پلاکات‌لار آچیلدی.
آلمانیانین باشکند برلینده بیلیم اینسان‌لاری‌نین هشدارلیغینا دقت چکیلدی.
گؤستریچی‌لر، دونیانین ان چوخ 2 درجه داها ایستی‌لیک آرتیمینا دؤزه بیلجگی اویاریسینی ائتدی.
بلژیک‌ین باشکند بروکسل‌دکی گؤستری، کارناوال هاواسی ایچینده کئچدی.
ایسپانیانین باشکند مادریدده تشکیل ائدیلن گؤستری‌لرین آنا تماسی "بیر باشقا دونیا یوخ" اولدو. گؤستریچی‌لر، حدین‌دن آرتیق میصیرفین دوردورولماسینی، چئوره دوستو بیر حیات ایستیلی گلیشدیریلمه‌سینی طلب ائتدی.
افغانیستان، پاکیستان، اوسترالیا، یئنی زلاندیا کیمی اؤلکه‌لرده ده، قلوبال ایستیلشمه‌نین اینسان‌لیغی تهدید ائدن ان اهمیت‌لی پروبلم‌لردن بیری اولدوغو وورغولاندی.
