عربیستاندا اؤلن‌لرین سایسی 142یه یوکسلدی
سعودی عربیستاندا کورونا ویروسون‌دان اؤلن‌لرین سایسی 142یه یوکسلدی.
سعودی عربیستاندا، آغیر کسکین تنفوس یولو یئترسیز‌لیگی سیندرومونون (سارس) فرق‌لی بیر نوع اولان کورونا ویروسو مرس-کوو خسته‌لیگینه توتولان 3 نفرین حیاتینی ایتیردیگی بیلدیریلدی.
ساغلیق ناظیرلیگین‌دن ائدیلن آچیقلامادا، سون 24 ساعات ایچری‌سینده داها اوّل ووروش توتولان 3 نفرین حیاتینی ایتیردیگی و 3 نفر ده داها ویروسا راست گلیندیگی ایفاده ائدیلدی.
آچیقلامادا، 2012-جی ایلدن بو یانا اؤلکه داخیلینده ویروسون بولاشدیغی آدام سایسی‌نین 483ه، حیاتینی ایتیرن‌لرین سایسی‌نین ایسه 142یه یوکسلدیگی قید ائدیلدی.
سارسین دگیشیک نوع اولان کورونا ویروسو، ایلک اولا‌راق سپتیامبر 2012ده تثبیت ائدیلدی. سعودی عربیستان باشدا اولماقلا اورتا شرق اؤلکه‌لری‌نین قورخوسو حالینا گلن کورونا ویروسو، آغجیرلری و بؤیرک‌لری تخریب ائدیر. ساونما سیستمینی چؤکدورن ویروسون اوزون داوام‌لی یاخین تماسلا بولاشدیغی ایفاده ائدیلیر. قایناغی حاقیندا کیفایت قدر بیلگی اولمایان ویروسا قارشی هله قورویوجو واکسن و یا آنتی‌بیوتیک درمان معا‌لیجه‌سی یوخدور.
ساغلیق ناظیری عادل فقیه، ویروسلا علاقه‌دار، دوه‌لرله بیرباشا تماس ائدیلممه‌سی خبردارلیغینی ائده‌رک "چی دوه اتی" استیفاده ائدیلرکن تدبیر آلینماسینی و چی دوه سودونون ایچیلممسینی ایستمیشدی.
