دونیا بانکی، آوروپا و اورتا آسیا راپورونو یاییملادی
راپور‌دا، تورکیه اقتصادینین بو ایل ۳ و گله‌جک ایل یوزده ۳،۶ بؤیومه‌سینین گؤزله‌نیلدیگی ایفاده ائدیلدی
دونیا بانکی، تورکیه اقتصادینین بو ایل یوزده ۳، گله‌جک ایل ایسه یوزده ۳،۶ بؤیومه‌سینی اؤن گؤرور.
دونیا بانکی، آوروپا و اورتا آسیا اقتصادلارینا باغلی راپورونو یاییملادی.
راپور‌دا، ضعیفله‌یه‌ن کوره‌سل اقتصاد، دارالدیجی/انقباضی پول سیاستی، چینده‌کی یاواشلاما و آشاغی متاع قیمتلرینین بؤلگه‌نین بؤیومه گؤرونومو اوزرینده باسقی یاراتماسی سببی ایله آوروپا و اورتا آسیا بؤلگه‌سینین یوکسه‌له‌ن و اینکیشاف ائتمکده اولان اقتصادلاریندا بو ایل یاواشلاما گؤزله‌نیلدیگی بیلدیریلدی.
روسیا ایله ساواشین ووردوغو اوکراینانین اقتصادلارینین بؤیومه‌یه دؤنمه‌سی و اورتا آسیاداکی گوجلو دوزلمه سببی ایله آوروپا و اورتا آسیا اقتصادینین گئچه‌ن ایل یوزده ۳،۳ بؤیودوگو یازیلان راپور‌دا، بؤلگه اقتصادینین بؤیومه سرعتینین بو ایل ایسه یوزده ۲،۸ه گئریله‌مه‌سینین گؤزله‌نیلدیگی ایفاده ائدیلدی. راپور‌دا، آوروپا و اورتا آسیا اقتصادینین گله‌جک ایل ایسه یوزده ۲،۷ بؤیومه‌سینین تخمین ائدیلدیگی بیلدیریلدی.
راپور‌دا، تورکیه اقتصادینین ایسه بو ایل ۳ و گله‌جک ایل یوزده ۳،۶ بؤیومه‌سینین گؤزله‌نیلدیگی ایفاده ائدیلدی.
بانکین راپوروندا، دارالدیجی پول سیاستینین تاثیری ایله تورمون می‌ده ذیروه ائتدیکدن سونرا مرحله‌لی اولاراق گئریله‌مه‌سینین گؤزله‌نیلدیگی قید ائدیلدی.
ایلگیلی‌لی خبرلر
تورکیه-نین قیرغیزیسیتانا سیمان محصول‌لاری صادراتی‌نین حجمی آچیقلانیب
ژانویه-مارس آیلاریندا تورکیه-نین قیرغیزیسیتانا سیمان محصول‌لاری صادراتی‌نین حجمی آچیقلانیب.
