میلیاردرلرین ساییسی و ثروتلری آرتدی
بونا گؤره، میلیاردر ساییسی گئچهن ایله مقایسهده ۱۴۱ نفر آرتیشلا ۲ مین ۷۸۱ نفره چیخاراق رکورد یئنیلهدی
میلیاردرلرین ساییسی و ثروتلری آرتدی.
آمریکان ایش دونیاسی درگیسی فوربئسین ۳۸.جی دفعه یاییملادیغی میلیاردرلر لیستی، دونیا سویهسیندهکی میلیاردرلرین ساییسینین دا ثروتلرینین ده آرتدیغینی گؤستردی.
بونا گؤره، میلیاردر ساییسی گئچهن ایله مقایسهده ۱۴۱ نفر آرتیشلا ۲ مین ۷۸۱ نفره چیخاراق رکورد یئنیلهدی.
میلیاردرلرین توپلام ثروتلری ده ۲ تریلیون دلار آرتیشملا ۱۴،۲ تریلیون دلارا یوکسلدی.
لوکس اشیا شیرکتی الوامهاشین اوست ایدارهچیسی برنارد آرنو، ۲۳۳ میلیارد دلارلیق ثروتی ایله ایکینجی دفعه دونیانین ان زنگین شخصی اولاراق لیستین باشیندا یئر آلدی.
لویی ویتون، تیفانی & کو، کریستین دیور و و سفورا کیمی برندلرین صاحبی اولان شیرکتین ایدارهچیسی آرنونون ثروتی گئچهن ایله مقایسهده ۲۲ میلیارد دلار آرتدی.
تسلا و اسپیسین اوست ایدارهچیسی ایلان ماسک ۱۹۵ میلیارد دلارلیق ثروتی ایله لیستین ایکینجی سیراسیندا یئر آلیرکهن، آمریکالی الکترونیک-تیجارت شیرکتی آمازونون قوروجوسو جف بزوس ۱۹۴ میلیارد دلارلیق ثروتی ایله اوچونجو اولدو.
ان چوخ میلیاردرین اولدوغو اؤلکه ۸۱۳ نفرله آمریکا بیرلشمیش دؤولتلری اولارکهن، بو اؤلکهنی ۴۷۳ میلیاردرله چین و ۲۰۰ میلیاردرله هیندیستان ایزلهدی.
صونعی ذکا صحبت روباتی چتجیپیتینین گلیشدیریجیسی اوپنایآی اوست ایدارهچیسی سام آلتمن ده میلیاردرلر آراسینا قاتیلدی.
فوربئسین میلیاردرلر لیستینده بو ایل تورکیهدن ۲۷ نفر یئر آلدی.
ییلدیز هولدینگ یؤنهتیم قورولو عضوو مراد اۆلکر، ۵،۱ میلیارد دلارلیق ثروتی ایله تورکیهنین ان زنگینی گؤستریلدی.
تۆرک میلیاردرلرین توپلام ثروتی تخمیناً ۵۶،۱ میلیارد دلار اولاراق حسابلاندی.
ایلگیلیلی خبرلر
آنتالیایا 2 میلیونا یاخین خاریجی توریست گلیب
آنتالیایا خاریجدن گلن قوناقلارین سایی 1 میلیون 870 مین نفردیر
مالتا-دان تورک لیمانلارینا 1 میلیون توندان چوخ یوک داشینیب
ژانویه-مارس آیلاریندا مالتا-دان تورک لیمانلارینا 1 میلیون توندان چوخ یوک داشینیب.