گولدمن ساکس‌دان تۆرکیه‌ده تورم تخمینی

آمریکان سرمایه بانکی گولدمن ساکس، تۆرکیه‌ده تورمون گؤزله‌نیله‌ندن داها سرعت‌لی گئریله‌یه‌بیله‌جگی اؤن‌گؤروسونو  یاییملادی.

گولدمن ساکسین اورتا و دوغو آوروپا، اورتا دوغو و آفریقا اقتصاد آنالیستلرینین یاییملادیغی راپور‌دا، تۆرکیه جمهوریت مرکز بانکینین بازارداکی پول عرضه‌سینی آزالتما سرعتی گؤز اؤنونه آلیندیغیندا، تورمون گؤزله‌نیله‌ندن داها سرعتلی گئریله‌یه‌بیله‌جگی وورغولاندی.

راپور‌دا، تورمون یۆزده ۴۲،۶ اولان اؤن‌گؤرولره گؤره ایل سونوندا یۆزده ۳۰ سویه‌لرینه قدر ائنه‌بیله‌جگی بیلدیریلدی.

تۆرکیه جمهوریت مرکز بانکینین بو آنکی ایله‌تیشیمینه باخیلدیغیندا، بانکین بو آی سیاست بهره‌سینی ۲۵۰ پوئن آرتیراراق یۆزده ۴۵ه چیخاراجاغی اؤن‌گؤروسو وئریلن راپور‌دا، گولدمن ساکسین پولیتیکا بهره‌سینه باغلی اؤنجه‌کی تخمینینین یۆزده ۴۲،۵ اولدوغو خاطیرلادیلدی.

راپور‌دا، تورمون، بازارلارین قیمتلندیردیگیندن داها سرعتلی گئریله‌مه‌سی ایله بانکین پولیتیکا بهره‌سینی ایل اورتاسیندا ائندیرمه‌یه باشلایابیله‌جگی، بونو دا تۆرک لیراسی اوۆزرینده باسقی میدانا گلمه‌دن ائده‌بیله‌جگی قید ائدیلدی.