دونیانین ان زنگین بئش نفرینین ثروتی ایکی قاتینا چیخدی
وارسیل و یوخسول آراسینداکی اوچورومون آرتماسییلا، دونیانین اون ایل ایچینده ایلک تریلیونرینی چیخارماسی گؤزله‌نیلیر.
اینگیلیس کؤمک قورولوشو آکسفاما گؤره، دونیانین ان زنگین بئش شخصی ۲۰۲۰.جی ایلده‌ن بو یانا ثروتلرینی ایکی قاتینا چیخاردی.
دونیانین اؤنده گلن شخصیتلرینین دونیا اقتصادی فورومونا قاتیلماق اوزره سوئیسین داووس قصبه‌سینه گئتدیگی سیرادا یاییملانان آکسفام راپورونا گؤره، بو بئش نفرین ثروتی ۲۰۲۰ده ۴۰۵ میلیارد دلاردان، گئچدیگیمیز ایل ۸۶۹ میلیارد دلارا یوکسلدی.
دونیا سویه‌سینده گؤروله‌ن ائشیدسیزلیک اوزرینه یاییملانان آکسفام ایللیک راپورو آیریجا، ۲۰۲۰دن بو یانا دونیا سویه‌سینده هاراداسا بئش میلیارد اینسانین داها دا یوخسوللاشدیغینی اورتایا قویدو.
راپورا گؤره، دونیا اقتصادی کووید ده داخیل اولماق اوزره چوخ ساییدا بحرانلا بوغوشماسینا باخمایاراق، میلیاردرلرین ثروتلری سون دؤرد ایلده ۳.۳ میلیارد دلار آرتدی.
آکسفام، ان زنگین شخصلرین و شیرکتلرین بورس قیمتلرینده‌کی سرعتلی آرتیش سببی ایله داها چوخ ثروت ییغدیغینی، آنجاق عینی زاماندا داها چوخ گوج الده ائتدیگینی بیلدیر‌دی.
راپورا گؤره زنگینلر، شیرکتلرینین گوجونو آرتیرماق اوچون ایشچیلری داها چوخ باسقی آلتینا آلیر، اونسوز دا زنگین اولان سهمدارلاری داها زنگینلشدیریر، آیریجا وئرگی قاچیرماق و دؤولتی اؤزللشدیرمک اوچون بؤیوک چابا گؤستریر.
آکسفام راپورونا گؤره، اوای‌سی‌دی اؤلکه‌لرینده‌کی شیرکتلر ۱۹۸۰.جی ایلده یوزده ۴۸ نیسبتینده شیرکت وئرگیسی اؤدییردی، آنجاق بو نیسبت ۲۰۲۲.جی ایلده یوزده ۲۳.۱ اولدو.
راپورا گؤره، وارسیل و یوخسول آراسینداکی اوچورومون آرتماسییلا، دونیانین اون ایل ایچینده ایلک تریلیونرینی چیخارماسی گؤزله‌نیلیر. راپور، مؤوجود تمایللار داوام ائتسه، دونیاداکی یوخسوللوغون ۲۲۹ ایل داها اورتادان قالدیریلامایاجاغی خاویاریسینی ائدیر.
آکسفام، راپور‌دا آیرینتیلی اولاراق وورغولانان دنگه‌سیزلیگه حل اولاراق، دونیاداکی میلیونر و میلیاردرلرین ثروتلرینه قارشی، هر ایل ۱.۸ تریلیون دلار گلیر گتیره‌جک اولان بیر ثروت وئرگیسینین تطبیق اولونماسینی دا تکلیف ائدیر.
ایلگیلی‌لی خبرلر
تورکیه-نین روسیا-یا حاضیر گئییم محصول‌لاری صادراتی آزالیب
ژانویه -مارس آیلاریندا تورکیه-نین روسیا-یا حاضیر گئییم محصول‌لاری صادراتی آزالیب.
