آرژانتین-ده تورم سون 32 ایلده ان یوکسک سویه‌یه چاتیب

جاری ایلین آوقوستوندا آرژانتین-ده قیمت آرتیمی 12،4 فایز اولوب کی، بو دا 1991-جی ایلدن بری ان یوکسک گؤستریجی‌دیر.

بو باره‌ده آرژانتین ایستاتیستیک و سیاهییاآلما اینستیتوتونون درج ائتدیگی معلوماتدا دئییلیر.

معلوماتا گؤره، آوقوست آییندا ان چوخ باهالاشما ارزاق قیمت‌لرینده (15،6 فایز) اولوب. سونراکی یئرلرده ایسه ساغلیق خیدمت‌لری (15،3 فایز) و معیشت تکنیکاسی (14،1 فایز) قرارلاشیب.

آرژانتین بیر نئچه ایلدیر کی، ان یوکسک تورما مالیک اؤلکه‌لر سیراسیندا‌دیر.