تورکیه‌نین خالی صادراتی ۱ میلیارد دلاری گئچدی

تورکیه‌دن ایلین ایلک یاریسیندا صادر ائدیله‌ن خالچادان ۱ میلیارد ۲۸۰ میلیون ۸۸۸ مین دلار گلیر الده ائدیلدی.
تورک خالچاچیلار، ایلین ایلک یاریسین‌دا ۱۸۵ اؤلکه‌یه گؤندردیگی ۲۹۱ میلیون ۳۷۳ مین مربع متر خالچا قارشیلیغیندا ۱ میلیارد ۲۸۰ میلیون ۸۸۸ مین دلار صادرات گلیری الده ائتدی. 
ان چوخ محصولو سیراسییلا آمریکا بیرلشمیش دؤولتلری، اورتا دوغو و آوروپایا گؤندره‌ن تورک خالچاچیلار، ان چوخ ارزی ۳۵۵ میلیون ۳۱۹ مین دلارلا آمریکا، ۱۵۴ میلیون ۵۲۹ مین دلارلا سعودی عربیستان و ۸۲ میلیون ۶۹۴ مین دلارلا اینگیلتره‌دن آلدی.
تورک خالچاچیلارین سون ۱۲ آیداکی صادراتی ایسه ۲ میلیارد ۶۸۰ میلیون ۴۶۲ مین دلار اولدو.