تورک اقتصادی بؤیومه‌یه داوام ائدیر

تورک اقتصادی، ایلین ایلک دؤردده‌بیرین‌ده یوزده ۴ بؤیومه قید ائتدی.
تورکیه استاتیستیک قورومو (تویک)، بو ایلین ایلک دؤردده‌بیرینه (ژانویه-مارس دؤورو) باغلی عمومی یورد ایچی گلیر نتیجه‌لرینی آچیقلادی.
بونا گؤره، عمومی یورد ایچی گلیر ۲۰۲۳ ایلی بیرینجی دؤردده‌بیر ایلک تخمینی، زنجیرلنیلمیش حجم شاخصی اولاراق، گئچه‌ن ایلین عینی دؤردده‌بیرینه گؤره یوزده ۴ آرتدی.
بئله‌جه تورک اقتصادی، یئنی نسیل کوروناویروس (کووید-۱۹) سالقینی تدبیرلرینین تطبیق اولوندوغو ۲۰۲۰-جی ایلین ایکینجی دؤردده‌بیرین‌دن سونرا اوست اوسته ۱۱ دؤردده‌بیر بؤیوموش اولدو.
بو ایلین ایلک دؤردده‌بیرین‌ده ۶ فوریه‌ده‌کی قهرمان ماراش مرکزلی زلزله‌لرین تأثیرینه باخمایاراق یوزده ۴ بؤیومه دقت چکدی.