اردوغان ایستانبول فینانس مرکزینین آچیلیشندا دانیشدی

جمهورباشقانی رجب تایییب اردوغان، ایستانبولو دونیانین آز ساییلی مالی مرکزلرین‌دن بیری حالینا گتیردیکلرینی سؤیله‌دی.
جمهورباشقانی اردوغان، ایستانبول مالی مرکزی آچیلیش مراسیمینده دانیشدی.
۶ فوریه‌ده‌کی زلز‌له فلاکتینه باخمایاراق سرمایه و قالخینما آتیلیملارینا سرعت وئردیکلرینی وورغولایان اردوغان،
"میللتیمیزین خیاللارینی گئرچکلشدیرمه‌یه داوام ائتدیریریک. بو گون ده تورکیه‌نی فینانس ساحه‌سین‌ده بیر اوست لیگه چیخاراجاق ایستانبول فینانس مرکزینین ایلک مرحله‌سینین آچیلیش هیجانینی یاشاییریق" دئدی.
کوره‌سل فینانسین آغیرلیق مرکزینین گئده‌رک داها دقته چارپان شکیلده باتیدان دوغویا دوغرو چئوریلدیگینی وورغولایان اردوغان، تاریخی اولاراق دوغو و باتی آراسیندا هم جغرافی هم ده تیجاری کؤرپو وظیفه‌سی یئرینه یئتیره‌ن ایستانبولون مالی بازارلار آراسین‌دا دا کؤرپو اولدوغونو ایفاده ائتدی. 
ایستانبولو دونیانین آز ساییلی مالی مرکزلرین‌دن بیری حالینا گتیردیکلرینین وورغولایان اردوغان،
"تاریخ‌ده ایستانبول نئجه بو اؤلکه‌نین بیر مالیه مرکزی ایسه ائله ایندی ده یئنیدن بو مالیه مرکزی اولما وظیفه‌سینی اوستله‌نیر" ایفاده‌لرینی ایشلتدی.
جمهورباشقانی، ایستانبول مالی مرکزینین تورکیه‌نی قلوبال بیر مالیه مرکزی حالینا گتیرمک مقصدیله گلیشدیریله‌ن اوزاق گؤرن بیر پروژه اولدوغونو سؤیله‌دی.
اردوغان، "ایستانبول مالی مرکزیمیز توپلام ساحه‌سی ۱،۴ میلیون مربع متری اولان ۲۱ اوفیس بیناسی ایله ۱۰۰ مین مربع مترلیک آلیش وئریش مرکزی ایله، ۲ مین ۱۰۰ نفرلیک کنگره مرکزی ایله، هتلی و ۲۶ مین ۵۰۰ آراج توتومو ایله عاغیللی شهر مد‌لی ایله داها بیر چوخ اؤزللیگی ایله ایش دونیاسینین بوتون احتیاجلارینا جاواب وئره‌جک" دئدی.