بعضی اوپک پلاس اؤلکهلری می آییندان نفت اوره تیمینی آزالداجاغینی آچیقلاییب
بیر سیرا اوپک اؤلکهلری کؤنوللو اولاراق 2023-جو ایلین می آییندان نفت اوره تیمینی آزالتماقلا باغلی قرار قبول ائدیب.
سعودی عربیستانی و بیرلشمیش عرب امیرلیکلری ده داخیل اولماقلا بیر سیرا اوپک اؤلکهلری کؤنوللو اولاراق 2023-جو ایلین می آییندان نفت اوره تیمینی آزالتماقلا باغلی قرار قبول ائدیب.
الجزایر انرژی ناظیرلیگیندن ائدیلن یازیلی آچیقلامادا الجزایرین گوندهلیک نفت اوره تیمی 48 مین بوشقا آزالتماغا "کؤنوللو" قرار وئردیگی بیلدیریلیب.
آچیقلامادا اوپک پلاس اؤلکهلری ایله کووردیناسیونولو شکیلده می آییندان ایلین سونونا قدر کؤنوللو اولاراق حیاتا کئچیریلهجک بو قرارین 2022-جی ایلین نوامبریندا قبول ائدیلن آزالتما قراریندان آسیلی اولدوغو وورغولانیب.
سعودی عربیستانینین رسمی آژانسی SPA-نین انرژی ناظیرلیگینین منبعلرینه اساسلاناراق وئردیگی خبرده اوپک پلاس اؤلکهلری ایله کووردیناسیون اساسیندا می آییندان ایلین سونونا قدر گوندهلیک نفت اوره تیمینین 500 مین بوشقا آزالدیلماسینا قرار وئریلدیگی بیلدیریلیب.
عمان انرژی ناظیرلیگی ده توییتر حسابیندا نفت اوره تیمینین می آییندان باشلایاراق ایلین سونونا قدر گوندهلیک 40 مین بوشقا آزالاجاغینی آچیقلاییب.
عراق 211 مین بوشقا، بیرلشمیش عرب امیرلیک لری 144 مین بوشقا، کویت ایسه 128 مین بوشقا آزالداجاغینی آچیقلاییب.
روسیا دا نفت اوره تیمینی گوندهلیک 500 مین بوشقا آزالداجاغینی آچیقلاییب.
بو قرارلارلا اوپک پلاس اؤلکهلری می آییندان اعتباراً گوندهلیک اوره تیمینی 1 میلیون بوشقادان چوخ آزالداجاق.
خاطیرلاداق کی، اوپک پلاس اؤلکهلری 2022-جی ایل اوکتبرین 5-ده کئچیریلن ایجلاسدا 2022-جی ایلین نوامبریندان گوندهلیک نفت اوره تیمینی 2 میلیون بوشقا آزالتماق قرارینا گلیبلر.
ایلگیلیلی خبرلر
تورکیهنین صنایع ایستحصالی آرتدی
تورکیه استاتیستیک تشکیلاتی (تویک) نتیجهلرینه گؤره، صنایع ایستحصالی ایندکسی یوزده 4.3 آرتیب