تۆرکیه‌نین قونشولارینا اولان صادراتی آرتدی
تۆرکیه، ژانویه-ژوئن دؤورونده بولقاریستان، گورجوستان، عراق، ایران، سوریه و یونانیستانا ۱۱ میلیارد ۴۴۸ میلیون ۹۲۷ مین دلارلیق صادرات گئرچکلشدیردی
تۆرکیه‌نین، بو ایلین ژانویه-ژوئن دؤنمینده قونشولاری بولقاریستان، گورجوستان، عراق، ایران، سوریه و یونانیستانا ائتدیگی صادرات اؤنجه‌کی ایلین عینی دؤورونه گؤره، یوزده ۲۵،۴ آرتاراق ۱۱،۴ میلیارد دلارا چاتدی.
تیجارت باخانلیغی و تۆرکیه صادراتچیلار مجلیسینین بیلگیلرینه گؤره، ایلین ایلک ۶ آییندا اؤنجه‌کی ایلین عینی دؤورو ایله مقایسه‌ده صادراتینی یوزده ۲۰ آرتیراراق ۱۲۶ میلیارد دلارا چیخاریب رکورد قیران تۆرکیه، قونشولارینا دا صادراتینی آرتیردی.
تۆرکیه، ژانویه-ژوئن دؤورونده بولقاریستان، گورجوستان، عراق، ایران، سوریه و یونانیستانا ۱۱ میلیارد ۴۴۸ میلیون ۹۲۷ مین دلارلیق صادرات گئرچکلشدیردی.
سؤزو گئدن مبلغ اؤنجه‌کی ایلین عینی دؤورونده ۹ میلیارد ۱۳۱ میلیون ۹۴۰ مین دلار ایدی. بئله‌جه بو اؤلکه‌لره ائدیلن صادرات ایلین ایلک ۶ آییندا اؤنجه‌کی ایلین عینی دؤورو ایله مقایسه‌ده یوزده ۲۵،۴ آرتدی.
سؤزوگئدن دؤورده ان چوخ صادرات ۴ میلیارد ۸۳۷ میلیون ۶۹۸ مین دلارلا عراقا ائدیلدی.
بو اؤلکه‌نی ۲ میلیارد ۲۶۵ میلیون ۱۴۴ مین دلارلا بولقاریستان، ۱ میلیارد ۵۵۸ میلیون ۷۳۷ مین دلارلا یونانیستان، ۱ میلیارد ۱۵۹ میلیون ۶۸۰ مین دلارلا ایران، ۸۹۷ میلیون ۷۴۰ مین دلارلا گورجوستان و ۷۲۹ میلیون ۹۲۸ مین دلارلا سوریه ایزله‌دی.
بو دؤورده بوتون اؤلکه‌لره صادراتین ایللیک اولاراق آرتدیغی گؤرولدو.
ان چوخ آرتیش یوزده ۳۹،۱ ایله بولقاریستانا، یوزده ۳۷،۶ ایله گورجوستانا و یوزده ۲۴،۱ ایله عراقا ائدیلن صادراتدا گؤزلندی.
ایلگیلی‌لی خبرلر
میصر-دان تورک لیمان‌لارینا 5 میلیون تون‌دان چوخ یوک داشینیب
ژانویه-مارس آیلاریندا میصر-دان تورک لیمان‌لارینا 5 میلیون تون‌دان چوخ یوک داشینیب.
