تورکیهنین توریزم گلیرلری آرتدی
توریزم گلیرینین یوزده ۷۶،۵ی خاریجی قوناقلاردان، یوزده ۲۳،۵ی ایسه یورددیشیندا ایقامت ائدن وطنداشلاردان الده ائدیلدی
تورکیهنین توریزم گلیری، ایلین ایلک دؤرددهبیرینده گئچهن ایلین عینی دؤنمینه گؤره یوزده ۱۲۲،۴ آرتدی.
تورکیه استاتیستیک قورومو، بو ایلین ژانویه-مارس دؤنمینه باغلی توریزم رقملرینی آچیقلادی.
بونا گؤره، توریزم گلیری گئچهن ایلین عینی دؤرددهبیرینه گؤره یوزده ۱۲۲،۴ آرتاراق ۵ میلیارد ۴۵۴ میلیون ۴۸۸ مین دلار اولدو.
توریزم گلیرینین یوزده ۷۶،۵ی خاریجی قوناقلاردان، یوزده ۲۳،۵ی ایسه یورددیشیندا ایقامت ائدن وطنداشلاردان الده ائدیلدی.
بو دؤنمده ائدیلهن خرجلهمهلرین ۴ میلیارد ۸۵۲ میلیون ۱۳۷ مین دلارینی فردی خرجلهمهلر، ۶۰۲ میلیون ۳۵۰ مین دلارینی ایسه پاکت تور خرجلهمهلری اولوشدوردو.
سؤز قونوسو دؤنمده، خاریجی قوناقلار، تورکیهیه یوزده ۵۲،۱ ایله ان چوخ "گزینتی، ایلهنجه، ایدمان و مدنی فعالیتلر" مقصدیله گلدی. ایکینجی سیرادا یوزده ۲۴ ایله "قوهوم و یولداش گؤرمه"، اوچونجو سیرادا ایسه یوزده ۱۰،۱ ایله "آلیش وئریش" یئر آلدی.
ایلگیلیلی خبرلر
تورکیهنین صنایع ایستحصالی آرتدی
تورکیه استاتیستیک تشکیلاتی (تویک) نتیجهلرینه گؤره، صنایع ایستحصالی ایندکسی یوزده 4.3 آرتیب