تورک بالی کئچن ایل 55 اؤلکه‌یه بال صادر ائدیب

بو بارده دوغو قارا دنیز صادراتچیلار بیرلیگیندن وئریلن معلوماتدا بیلدیریلیب. معلوماتا اساسن، تورکیه کئچن ایل 55 اؤلکه‌یه 9 مین 875 تون بال صادر ائدیب. تورکیه بو صادراتدان 30 میلیون 498 مین 600 دو‌لار گلیر الده ائدیب.

معلوماتا گؤره، 2020-جی ایلده تورکیه 5 مین 972 تون بال صادر ائتمیشدی. حیاتا کئچیریلن بو صادراتدا تورکیه 25 میلیون 856 مین 972 دولار گلیر الده ائتمیشدی.

قئید اولونوب کی، 2021-جی ایلده ان چوخ امریکا، آلمانیا، ایسپانیا، بولقاریستان وه ایسراییله بال صادر ائدیب.

2020-جی ایلده ایسه ان چوخ بال صادراتی مراکش، ایتالیا، میصر، مغولستان، ونزوئلا ، پاکیستان، کنیا، ایرلاندیا، آلبانیا و سودانا حیاتا کئچیریلمیشدی.