رئیسی: ایرانین روسیا بازارینداکی پایی آرتابیلر
"امکداشلیغین آرتیریلماسی اوچون پروبلئملرین و مانعلرین قالدیریلماسینا دایر جدی بیر اراده وار"
ایران جمهورباشقانی ابراهیم رئیسی، اؤلکهسینین روسیا بازارینداکی پایینین آرتابیلهجگینی و ایکی اؤلکه ایدارهچیلرینین ده بو قونودا همفیکیر اولدوغونو سؤیلهدی.
ایران جمهورباشقانلیغیندان وئریلهن آچیقلامایا گؤره روسیا سفری چرچیوهسینده باشکند موسکواداکی ایرانلیلارلا بیر آرایا گلن رئیسی، ایکی اؤلکه ایلیشکیلریله باغلی دانیشدی.
روسیا دؤولت باشقانی ولادیمیر پوتین ایله ائتدیگی گؤروشمهیه باغلی بیلگی وئرهن رئیسی،
"ایرانین روسیا بازارینداکی پایی آرتابیلر. روسیا دؤولت باشقانی دا ایرانین روسیا بازارینداکی پایینین کسینلیکله آرتابیلهجگینی سؤیلهدی. امکداشلیغین آرتیریلماسی اوچون پروبلئملرین و مانعلرین قالدیریلماسینا دایر جدی بیر اراده وار" ایفادهلرینی ایشلتدی.
گؤروشمهنین بیر بؤلومونون اقتصادی ساحهدهکی ایلیشکیلرین آرتیریلماسینا دایر اولدوغونو ایفاده ائدن رئیسی،
"گؤروشمهدن چیخان نتیجه بودور: ایکی اؤلکه ایدارهچیلری ده پروبلئملری آرادان قالدیرماق و ایلیشکیلری گوجلهندیرمک ایستهییر" دئیه دانیشدی.
رسمی گؤروشمهلر اوچون دونن موسکوایا گئدن رئیسی، روسیا دؤولت باشقانی پوتین ایله بیر آرایا گلمیشدی.
ایلگیلیلی خبرلر
تورکیه-نین چای صادراتی
تورکیه-نین 2024-جو ایلین ژانویه-آوریل دؤورونده چای صادراتی 10 میلیون 461 مین 225 دولارا چاتدی.