تورکیه، اؤزبکیستاندا ان چوخ شیرکت قوران اؤلکه اولدو
اؤزبکیستاندا ۳۲۱ شیرکت قوران تورکیه، خاریجی سرمایه ایله ان چوخ شیرکت قوران اؤلکهلر سیرالاماسیندا ایلک سیرادا یئر آلدی
تورکیه، ایلین ایلک ۱۰ آییندا اؤزبکیستاندا ان چوخ شیرکت قوران اؤلکه اولدو.
اؤزبکیستان دؤولت استاتیستیک کمیتهسی معلوماتلارینا گؤره، ژانویه-اکتبر دؤورونده اؤلکهده ۳۲۱ شیرکت قوران تورکیه، خاریجی سرمایه ایله ان چوخ شیرکت قوران اؤلکهلر سیرالاماسیندا ایلک سیرادا یئر آلدی.
تورکیهنین آردیندان ۲۹۶ شیرکت ایله روسیا ایکینجی، ۲۱۹ شیرکت ایله چین اوچونجو اولدو. قازاخیستان سرمایهسیله ۱۶۶، گونئی کره سرمایهسیله ده ۸۰ شیرکت قورولدو.
خاریجی ایش آداملاری اؤلکهده اؤزللیکله ساغلیق، صنایع، تیجارت، بیلگی تکنولوژیلری، تیکینتی و اکینچیلیک بؤلوملرینه سرمایه قویدو.
۱ نوامبر اعتیبارییلا اؤلکهدهکی خاریجی سرمایهلی ایشلتمهلرین ساییسی ۱۳ مین ۲۸۳ اولاراق حسابلاندی و بو چرچیوهده روس سرمایهلی شیرکتلرین ساییسی ۲ مین ۳۳۵، چین سرمایهسی ایله قورولان شیرکتلر ساییسی ۱۹۴۲، تورک سرمایهلی ایشلتمهلر ساییسی ۱۸۳۰، قازاخیستان سرمایهلی ایشلتمهلر ساییسی ایسه ۱۰۵۶ اولدو.
ایلگیلیلی خبرلر
تورکیه ایلین ایلک ربعونده 2 مین 133 تن بال ایخراج ائدیب
بال ایخراجاتیدا 16-جی یئرده اولان تورکیه ایلین ایلک ربعونده 2 مین 133 تن بال ایخراج ائدیب