تورک هاوا یوللاری آوروپادا ایکینجی اولدو

تورک هاوا یوللاری، گونلوک ۱۳۳۳ اوچوشلا آوروپادا ان چوخ اوچوش ساییسینا صاحب ایکینجی هاوا یولو شیرکتی اولدو.

آوروپا هاوا سیر و سفر گوونلیگی تشکیلاتینین (یوروکنترل)، ۱۶-۲۲ آگوست تاریخلری آراسین‌داکی آوروپا هاوا ترافیکی بیلگیلرینه گؤره، آوروپا هاوا ترافیکینده آرتیش داوام ائدیر.

 سؤزوگئدن تاریخلرده آوروپادا ۱۷۲ مین ۴۶۳ اوچوش حیاتا گئچیریل‌دی.

یئنی نسیل کوروناویروس (کووید-۱۹) سالقینی تدبیرلری چرچیوه‌سین‌ده گتیریله‌ن محدودیتلرین بؤیوک اؤلچوده لغو ائدیلمه‌سی ایله ایرلند هاوا یولو شیرکتی رایان‌ایر، ۲،۳۲۱ گونلوک اوچوشو ایله آوروپانین ان چوخ اوچان هاوا یولو شیرکتی اولدو.

تورک هاوا یوللاری گونلوک ۱.۳۳۳ اوچوشلا ایکینجی، ایزی‌جت ۱۱۷۷ اوچوشلا اوچونجو اولدو.

پگاسوس هاوا یوللاری دا لیستده دوققوزونجو یئری توتدو. پگاسوسون گونلوک اوچوش ساییسی ۵۱۳ اولاراق آچیقلاندی.