تورکیه و روسیا، میللی پول بیریمی ایستیفاده ائتمه‌نی آرتیرا‌جاق
روسیا مالیه ناظیرلیگین‌دن ائدیلن آچیقلامادا، تورکیه ایله روسیا آراسین‌داکی تیجارتده میللی پول بیریملری‌نین ایستیفاده‌سینه ایستیقامت‌لی 4 اوکتوبردا راضیلاشما ایمضالاندیغی ایفاده ائدیلدی
روسیا مالیه ناظیرلیگین‌دن ائدیلن آچیقلامادا، تورکیه ایله روسیا آراسین‌داکی تیجارتده میللی پول بیریملری‌نین ایستیفاده‌سینه ایستیقامت‌لی 4 اوکتوبردا راضیلاشما ایمضالاندیغی ایفاده ائدیلدی.
آچیقلامادا، خزینه و مالیه ناظیری برات آلبایراک ایله روسیا باش ناظیر کؤمکچی‌سی و مالیه ناظیری آنتون سیلوانوو آراسیندا ایمضا‌لانان راضیلاشماقلا ایکی اؤلکه آراسین‌داکی تیجارتده پیلله‌لی اولا‌راق روبل و لیره ایستیفاده‌سی‌نین آرتیریلاجاغی قئید ائدیلدی. راضیلاشماقلا اویغون مالیه بازار آلت یاپینین یارادیلاجاغی ایفاده ائدیلن آچیقلامادا، ایکی اؤلکه پول بیریملری‌نین تیجاری تشکیلات‌لار نزدین‌دکی جازیبه‌سی‌نین ده آرتیریلاجاغینا ایشاره ائدیلدی.
آچیقلامادا، راضیلاشما سایه‌سینده تورک بانک‌لاری‌نین روسیانین SWIFT آلترناتیوی SPFS (مالی مساژلاشما سیستمی) علاقه‌سی‌نین و روس میر کارتی‌نین تورکیه‌ده ایستیفاده‌سی‌نین گئنیشلدیله‌جگی معلوماتینا یئر وئریلدی.
روسیا و تورکیه‌نین، میللی مالی مساژ ایلتیم سیستم‌لری‌نین دیگر اؤلکه‌لره آچیلابیلمه‌سینی تشکیل ائتمگی ده پلانلاشدیردیغینی وورغولانان آچیقلامادا، "سازیشین ایمضالانماسی، روسیا ایله تورکیه آراسیندا قارشی‌لیق‌لی فایدا تامین ائدن و عدالت‌لی تیجارت و ایقتیصادی ایش بیرلیگی‌نین داها دا گئنیشلندیریلمه‌سی و اینکیشاف ائتدیریلمه‌سی اوچون اهمیت‌لی بیر آددیم‌دیر." دئییلدی.
ایلگیلی‌لی خبرلر
تورکیه‌نین صنایع ایستحصالی آرتدی
تورکیه استاتیستیک تشکیلاتی (تویک) نتیجه‌لرینه گؤره، صنایع ایستحصالی ایندکسی یوزده 4.3 آرتیب
