بال صادراتیندان 12 میلیون دلارلیق گلیر

تورکیه-‌نین بالی ژانویه- ژوئیه آیلاری آراسی دونیانین دؤرد بیر طرفینده آغیزلاری دادلاندیریب.

دوغو قاراد‌نیز صادراتچیلار بیرلیگی‌نین (DKİB) معلوماتینا گؤره، تورکیه-‌دن ایلین 7 آیلیق دؤورونده 2945 تون بال ساتیلاراق اؤلکه‌یه 12 میلیون 857 مین 187 دو‌لار گلیر گلیب.

تورکیه-‌نین بال صادراتیندا آلمانیا ایلک سیرادا‌دیر. بو دؤورده آلمانیایا 3 میلیون 721 مین 369 دو‌لار قارشیلیغیندا 1038 تون بال ساتیلیب. بو سیاهیدا امریکا 2 میلیون 459 مین 724 دو‌لارلا ایکینجی، سعودیه عربیستانی 2 میلیون 6 مین 874 دو‌لارلا اوچونجو، کویت 852 مین 418 دو‌لارلا دؤردونجو، اطریش ایسه 458 مین 396 دو‌لارلا بئشینجی سیرادا یئر آلیر.

کئچن ایلین عینی دؤورونده تورکیه-‌دن بال صاردات ائدیلمه‌ین چین، بولقاریستان، لیبی، سوئد، بیرلشمیش عرب امرلیک‌لری، بوسنیا هرزگووینا، یونانیستان، سوما‌لی، مغولستان، افغانیستان و مراکشه ده بال صادر ائدیلیب.