ان باهالی و ان اوجوز شهرلر

ان باهالی شهرلری لیسته‌سین‌ده ایلک سیرانی اوچ شهر پایلاشدی.

آراشدیرما شیرکتی اکونومیست اینتلیجنس یونیت‌ین "ان باهالی شهرلر ۲۰۱۹" راپورونا گؤره، فرانسانین باشکندی پاریس، چینین اؤزارک بؤلگه‌سی هنگ کنگ و سنگاپورون باشکندی سینگاپور، ان باهالی شهرلر لیسته‌سین‌ده ایلک سیرادا یئر آلدی.

اوچ شهر، ۳۰ ایلدیر ائدیلن آراشدیرمادا ایلک دفعه بیرینجی‌لیگی پایلاشدیغی لیسته‌ده، سیراسییلا، سوئیسین زوریخ و ژنو شهرلری، ژاپنون اوساکا شهری، گونئی کره‌نین باشکندی سئول، دانمارکین باشکندی کپنهاگ، آمریکا بیرلشمیش دؤولتلرینین نیویورک و لس آنجلس شهرلری ایله ایسراییلین تل آویو شهری یئر آلیر.

لیسته‌یه آوروپادان دؤرد شهرین داخیل اولماسی دقت چکدی.

اکونومیست اینتلیجنس یونیته گؤره، ان اوجوز شهرلر ده سیراسیندا ونزوئلانین باشکندی کاراکاس، سوریه‌نین باشکندی دمشق، اؤزبکیستانین باشکندی داشکند، قازاقیستانین آلماتی، هیندیستانین بانگالوره، پاکیستانین کراچی، نیجریه‌نین لاگوس، آرژانتینین باشکندی بوئنوس آیرس، هیندیستانین چنای شهری و باشکندی یئنی دهلی اولدو.

آراشدیرما، ۱۳۳ شهرینده چؤرک کیمی ان چوخ مصرف ائدیله‌ن محصوللار اوزرین‌دن یئریدیلیر.