"داها یوکسه‌یه اوچماق آرزوسو ایله"
تورک هاوا یوللاری یولچو دولولوق نسبتی آرتدی
تورک هاوا یوللاری (ت‌ه‌ی) ۲۰۱۸ده یولچو ساییسیندا یوزده ۹،۵ بؤیومه الده ائد‌رک، یولچو دولولوق نسبتی یوزده ۸۲یه چاتدی.
تورک هاوا یوللارینین تویتر حسابین‌دان یاییملانان ویدئودا دونانمایا ۱۲ یئنی اوچاق داها قاتیلدیغی و اوچوش ساییسینین ۳۳۲یه یوکسلدیگی بیلدیریلدی.
اوچوش شبکه‌سینه ۶ خط داها علاوه اولوندوغو، یولچو ساییسیندا یوزده ۹،۵ آرتیش الده ائدیلدیگی، ۷۲،۵ میلیون یولچونون اوچدوغو و یولچو دولولوق نیسبتینده یوزده ۸۲یه چاتدیغی بیلگیسینه یئر وئریله‌ن ویدئودا،
"۸۶۶ میلیون ۶۶۳ مین کیلومتر یول گئتدیک. کیچیک یولچولاریمیزا اوچماغی سئودیردیک. ۲ میلیون‌دان آرتیق اویونجاق هدیه ائتدیک. اوچاق ایچی ایله‌نجه سیستمیمیز پلانئتله ایله‌نجه‌نی گؤیلره قالدیردیق. ۳۵ میلیون ساعات بویونجا ۶۹۳ یئنی فیلم ایزله‌تدیک. گؤی اوزون‌ده ده اولسا باغلانتینینی کسمدیک. ۶۰۰ مینه یاخین یولچوموزو وای فای ایله سئودیکلرینه باغلادیق" ایفاده‌لرینه یئر وئریلدی.
چاغری مرکزی خیدمتینین علاوه اولونان ۴ یئنی دیلله ۱۴ دیله چیخاریلدیغی بیلدیریله‌ن ویدئودا،
"تورکیش کارگو ایله دونیانین یوکونو داشیدیق. ۱،۴ میلیون یوکو و پستو صاحبلرینه چاتدیردیق. تعلیم آکادمیمیزله دونیا هاواچیلیغینا قاتقی وئردیک. اوغورلارا اوچدوق. بایراغیمیزی فخرله ۳۰۶ شهره و ۱۲۴ اؤلکه‌یه گتیردیک. دونیانین ان چوخ اؤلکه‌سینه اوچان هاوا یولو اولاراق ۲۰۱۹دا داها یوکسه‌یه اوچماق آرزوسو ایله" دئییلدی.
ایلگیلی‌لی خبرلر
میصر-دان تورک لیمان‌لارینا 5 میلیون تون‌دان چوخ یوک داشینیب
ژانویه-مارس آیلاریندا میصر-دان تورک لیمان‌لارینا 5 میلیون تون‌دان چوخ یوک داشینیب.
