تورکیه‌دن ائو آلانا وطنداشلیق وئریلیر
پروژه‌سی داوام ائد‌ن داشینماز ساتین آلان بیر خارجی، بونا دایر آنلاشمانی دفترخانادا ثبت ائد‌رک تورک وطنداشی اولابیله‌جک
خاریجیلره، تاماملانمامیش ائو پروژه‌لرین‌ده، ۲۵۰ مین دلار و یا قارشی‌لیغی تورک لیراسی مبلغینی نقد اؤد‌یه‌رک آلدیقلاری ساتیش سؤزلشمه‌سینی اسناد دفترینده ثبت ائتد‌یررک تورک وطنداشی اولابیلمه امکانی گتیریلدی.
"تورک وطنداش‌لیغی قانونونون تطبیقی حاقین‌دا اساسنامه‌ده دییشیک‌لیک ائدیلمه‌سینه دایر اساسنامه" رسمی قزئت‌ده یاییملاندی.
اساسنامه ایله ان آزی ۲۵۰ مین دلار و یا قارشی‌لیغی ارز یا دا تورک لیراسی مبلغین‌ده داشینمازی، ۳ ایل ساتیلماماسی شرحی قویولماق شرطیله ساتین آلان خارجیلرین تورک وطنداش‌لیغینا گئچمه حاقی قازانابیله‌جگینه دایر ماده‌یه، تاماملانمامیش بینا پروژه‌لری اوچون ده بیر بند علاوه اولوندو.
بونا گؤره، ان آز ۲۵۰ مین آمریکا دلاری و یا قارشی‌لیغی ارز و یا تورک لیراسی مبلغین‌ده داشینمازین نقد اولاراق ساتیشینین ثبت ائدیلدیگینه دایر آنلاشمانین، ۳ ایل مدتینه ساتیلمایاجاغی تعهدی ایله تورک وطنداش‌لیغی الده ائدیله‌جک.
بئله‌لیکله پروژه‌سی داوام ائد‌ن داشینماز ساتین آلان بیر خارجی، بونا دایر آنلاشمانی دفترخانادا ثبت ائد‌رک تورک وطنداشی اولابیله‌جک. آنجاق سؤزوگئدن دورومدا، بو شخصین ۳ ایل مدتینه ائو اوزرین‌ده‌کی حاقلارینی باشقاسینا وئرمه‌‌مه‌گی تعهد ائتمه‌سی لازیم‌دیر.
ایلگیلی‌لی خبرلر
تورکیه-نین روسیا-یا حاضیر گئییم محصول‌لاری صادراتی آزالیب
ژانویه -مارس آیلاریندا تورکیه-نین روسیا-یا حاضیر گئییم محصول‌لاری صادراتی آزالیب.
