ایل بیتمه‌دن صادرات رکوردو
ساوونما و هاواچیلیق صنایعینین سؤزوگئدن دؤورده ان چوخ صادرات ائتدیگی اؤلکه آمریکا بیرلشیک ایالتلری اولدو
ساوونما و هاواچیلیق صنایعی، ایل بیتمه‌دن صادرات رکوردونا چاتدی.
صادراتدا ۲۰۱۸ ایله اؤنملی سؤزلشمه‌لر سیغیشدیران ساوونما و هاواچیلیق صنایعی، بونلارین تأثیری تام اولاراق اورتایا چیخمادان ان یوکسک صادرات رقمینی یاخالا‌دی.
تورکیه صادراتچیلار مجلیسی معلوماتلارینا گؤره، ساوونما و هاواچیلیق سئکتورو ۲۰۱۱ده ۸۸۳ میلیون ۸۴۵ مین، ۲۰۱۲ده ۱ میلیارد ۲۶۰ میلیون ۸۱۰ مین، ۲۰۱۳ده ۱ میلیارد ۳۸۸ میلیون ۸۰۳ مین، ۲۰۱۴ده ۱ میلیارد ۶۴۷ میلیون ۷۹۹ مین، ۲۰۱۵ده ۱ میلیارد ۶۵۴ میلیون ۸۸ مین دلار صادرات حیاتا گئچیردی.
سئکتور، ۲۰۱۶دا ۱ میلیارد ۶۷۷ میلیون ۱۱۶ مین، گئچه‌ن ایل ده ۱ میلیارد ۷۳۹ میلیون ۴۵۳ مین دلار صادراتا ایمضا آتدی.
اؤتن ایلین ۱۱ آیلیق دؤورون‌ده ۱ میلیارد ۵۳۵ میلیون ۵۲۹ مین دلارلیق مال صادر ائد‌ن سئکتور، بو ایلین عینی دؤورون‌ده صادراتینی یوزده ۱۶،۰۵ آرتیردی. سئکتور ایل بیتمه‌دن ۱ میلیارد ۷۸۲ میلیون ۵۳ مین دلار رقمینی گؤردو. بئله‌جه ۲۰۱۸ ایلی باشا چاتمادان ایللیک اولاراق ان یوکسک ساوونما و هاواچیلیق صنایعی صادرات رقمینه چاتدی.
سئکتورون سون ایللرده ۲۰۰ میلیون دلارین اوزرین‌ده گرچکلشن دسامبر آیی صادراتی نظره آلیندیغیندا ایل سونون‌دا ۲ میلیارد دلارین آشیلماسی دا گؤزلنیلیر.
ساوونما و هاواچیلیق صنایعینین سؤزوگئدن دؤورده ان چوخ صادرات ائتدیگی اؤلکه آمریکا بیرلشیک ایالتلری اولدو. آمریکایا ائدیله‌ن صادراتین اقتصادی قارشی‌لیغی ۶۴۴ میلیون ۲۹ مین دلارا چاتدی.
آمریکانی ۲۱۱ میلیون ۶۸۴ مین دلارلا آلمانیا و ۱۵۰ میلیون ۵۱۶ مین دلارلا عمان ایزله‌دی.
بو اؤلکه‌لردن سونرا ۷۲ میلیون ۳۵۱ میلیون دلارلا هلند، ۷۱ میلیون ۶۸۶ مین دلارلارلا هیندیستان، ۷۰ میلیون ۹۸۱ مین دلارلا قطر، ۵۰ میلیون ۶۶۱ مین دلارلا اینگیلتره، ۴۸ میلیون ۴۰۹ مین دلارلا لهستان، ۴۴ میلیون ۵۰۵ مین دلارلا فرانسا و ۳۷ میلیون ۴۶۵ مین دلارلارلا آذربایجان گلدی.
ایلگیلی‌لی خبرلر
تورکیه ایلین ایلک ربعونده 2 مین 133 تن بال ایخراج ائدیب
بال ایخراجاتیدا 16-جی یئرده اولان تورکیه ایلین ایلک ربعونده 2 مین 133 تن بال ایخراج ائدیب
