آوروپا بیرلیگیندن دولارا قارشی حمله
آوروپا بیرلیگی کمیسیونونون صدر معاوینی والدیس دومبروفسکی اولوسلار آراسی بازار ایشتیراکچیلارینین بوتون محصوللاردا تیجارت عملیاتلارینی یورو ایله حیاتا کئچیرمگی هدفلدیکلرینی بیلدیردی.
آوروپا بیرلیگی کمیسیونونون صدر معاوینی والدیس دومبروفسکی اولوسلار آراسی بازار ایشتیراکچیلارینین بوتون محصوللاردا تیجارت عملیاتلارینی یورو ایله حیاتا کئچیرمگی هدفلدیکلرینی بیلدیردی.
آوروپا بیرلیگی کمیسیونونون صدر معاوینی والدیس دومبروفسکی قلوبال تیجارتده یورونون داها اهمیتلی رولو ایستیقامتینده آپاریلان ایشلر بارهسینده آوروپا بیرلیگی کمیسیونوندا مطبوعات کونفرانسی کئچیردی.
کنفرانسدا یورونون آوروپانین ایقتیصادی گوجونون سیموولو اولدوغونا دقت چکن دومبروفسکی گونوموزده چوخ میللتلی سیاسی و اولوسلار آراسی قایدالارا باغلی اولان تیجارت سیستمینین ضعیفلهدیگینی قئید ائتدی.
دومبروفسکی قلوبال تیجارتده یورونون رولونو محکملندیرمک و مالیه سیستمی داخیلینده موختلیفلیگی آرتیرماق ایستهدیکلرینی دئیهرک سؤزونه بئله داوام ائتدی: "اولوسلار آراسی بازار ایشتیراکچیلارینین بوتون محصوللاردا تیجارت عملیاتلارینی یورو ایله حیاتا کئچیرمهلرینی ایستییریک. یورو اولوسلار آراسی بازارلاردا انرژی، خام ماده، تاریم محصوللاری، اوچاق اوره تیمی کیمی بعضی ایستراتژی ساحهلرده داها مهم رول اوینایا بیلر".
یورونون آورونون آوروپانین سیاسی، ایقتیصادی و مالیه گوجونو بالانسلی شکیلده عکس ائتدیرمهسینین واجیبلیگینی وورغولایان دومبروفسکی بازار ایشتیراکچیلارینین یورونون موضعینی معین ائتدیگینی بیلدیردی.
دومبروفسکی یورونون داها جاذیب بیر آلترناتیو اولماسی اوچون آوروپادا ایقتیصادی و مادی وحدتی گوجلندیرمهنین، بانک و سرمایه بازارلاری بیرلیگینی باشا چاتدیرماغین واجیب اولدوغونو وورغولادی.
ایلگیلیلی خبرلر
تورکیهنین صنایع ایستحصالی آرتدی
تورکیه استاتیستیک تشکیلاتی (تویک) نتیجهلرینه گؤره، صنایع ایستحصالی ایندکسی یوزده 4.3 آرتیب