کرکوک نفتی اورتیمی آرتاجاق
"کرکوک نفتینین عراق کورد بؤلگه‌سی واسطه‌سیله صادراتینا باشلاندی"
عراق باشباخانی عادل عبدالمهدی، کرکوکدن جئیهان لیمانینا گئدن نفتین گونده‌لیک ۶۰ مین‌دن ۱۰۰ مین بوشقایا چیخاجاغینی سؤیله‌دی.
بغداددا هفته‌لیک مطبوعات کنفران‌سی گئچیره‌ن عبدالمهدی، نفتین اؤلکه بودجه‌سینین اؤنملی قایناغینی تشکیل ائتدیگینی ایفاده ائد‌رک،
"کرکوک نفتینین عراق کورد بؤلگه‌سی واسطه‌سیله صادراتینا باشلاندی. بو، گونده‌لیک ۶۰ مین بوشقادان ۱۰۰ مین بوشقایا چیخاجاق" دئدی.
مسعود بارزانینین بو گون بغدادا گئدجیینه توخونان عبدالمهدی، بغداد و اربیل آراسین‌دا ایلیشکیلرین یاخشی اولدوغونو و بونو داها دا مثبت ایستیقامت‌ده یاخشیلاشدیرماغا چالیشدیقلارینی سؤیله‌دی.
باشباخان، ۲۲ نفرلیک کابینه‌نین قالان ۸ اویه‌سینین نه زامان تعیین اولوناجاغی سوالینا ایسه،
"کابینه‌نین تاماملانماسی اوچون آرتیق گؤزله‌مه شانسیمیز یوخدور. گئری قالان کابینه نامیزدلرینی سونماق اوچون گلن هفته مجلیسه گئدجییک" جاوابینی وئردی.
ترور هؤرگوتو داعشین اولکه‌ده‌کی سالدیریلارینا دا توخونان عبدالمهدی، هؤرگوتون سون زامان‌دا یاتان حجره‌لری واسطه‌سیله سالدیریلارینی آرتیردیغینی قید ائد‌رک، عهده‌سین‌دن گلمک اوچون حربی گوج‌لرین عملیاتلارینین داوام ائتدیگینی دئدی.
ایلگیلی‌لی خبرلر
تورکیه-نین روسیا-یا حاضیر گئییم محصول‌لاری صادراتی آزالیب
ژانویه -مارس آیلاریندا تورکیه-نین روسیا-یا حاضیر گئییم محصول‌لاری صادراتی آزالیب.
