تورکیه-یه ان چوخ توریست روسیا-دان گلیب
روسیادان تورکیهیه بو ایلین ایلک 9 آییندا 5 میلیون 120 مین 599 توریست گلدی.
روسیادان تورکیهیه بو ایلین ایلک 9 آییندا 5 میلیون 120 مین 599 توریست گلدی.
مدنیت و توریزم ناظیرلیگینین همین موضوع ایله باغلی آچیقلاماسیندا بیلدیریلیب کی، تورکیه ایلین 3-جو روبونده 32 میلیونا یاخین توریستی قوناق ائتدی. کئچن ایلین مووافیق دؤورو ایله موقاییسهده بو رقم 22،08 فایز آرتیب.
اؤلکه خاریجینده یاشایان وطنداشلارین دا داخیل اولدوغو جمعی توریست سایی 2018 ژانویه -سپتامبرآیلاریندا 21،35 فایز آرتتیملا 37 میلیونا چاتدی.
تورکیهیه 9 آیلیق دؤورده ان چوخ توریست 16،09 فایز آرتیم و 5 میلیون 120 مین 599 توروسیتله روسیا-دان گلدیکده، 11،21 فایز آرتیم و 3 میلیون 566 مین 20 توریست ایله آلمانیا ایکینجی، 5،95 فایز آرتیم و 1 میلیون 894 مین 87 توریستله اینگیلتره اوچونجو یئرده قرارلاشدی.
اینگیلترنی نوبه ایله بولقاریستان و ایران تعقیب ائتدی.
تورکیه-نی سپتامبر آییندا زیارت ائدن خاریجی سایی ایسه کئچن ایلین مووافیق دؤورو ایله موقاییسهده 17،57 فایز آرتاراق 4 میلیون 792 مین 818-ا چاتدی.
تورکیه-یه 2018 ژانویه –سپتامبر آیلاریندا گلن خاریجی توریستلرین 33،47 فایزی آنتالیادا اولدوقدا، 31،78 فایزی ایستانبول، 9،14 فایزی ادیرنه، 7،68 فایزی موغلا و 5،96 فایزی ایسه آرتوین شهرلرینده اولدو.
ایلگیلیلی خبرلر
تورکیه ایلین ایلک ربعونده 2 مین 133 تن بال ایخراج ائدیب
بال ایخراجاتیدا 16-جی یئرده اولان تورکیه ایلین ایلک ربعونده 2 مین 133 تن بال ایخراج ائدیب