تورکیه، اؤزبکیستانین ۴.جو بؤیوک تیجارت اورتاغی

تورکیه، ایلین ۸ آییندا اؤزبکیستانین خاریجی تیجارتین‌دن یوزده ۶،۶ پای آلاراق ۴.جو بؤیوک تیجارت اورتاغی اولدو.

اؤزبکیستان دؤولت استاتیستیک کمیته‌سین‌دن وئریله‌ن معلوماتا گؤره، ژانویه-آگوست آیلارین‌دا اؤلکه‌نین خاریجی تیجارت حجمی، ۲۰۱۷نین عینی دؤورو ایله مقایسه‌ده یوزده ۱۸،۵ آرتاراق ۲۰،۶ میلیارد دلار اولدو.

بو دؤورده اؤلکه‌نین صادراتی یوزده ۴،۴ آرتیشلا ۸،۶ میلیارد دلار، وارداتی دا یوزده ۳۱،۲ آرتیشلا ۱۲ میلیارد دلارا چیخدی.

ایلین ۸ آیین‌دا ۳ میلیارد ۹۳۰،۵ میلیون دلارلیق خاریجی تیجارت و یوزده ۱۹،۱لیک پای ایله چین، اؤزبکیستانین ان بؤیوک تیجارت اورتاغی اولدو.

چینی، ۳ میلیارد ۷۷۱،۳ میلیون دلارلیق خاریجی تیجارت و ۱۸،۳لوک پای ایله روسیا، ۱ میلیارد ۹۴۵،۸ میلیون دلارلیق خاریجی تیجارت و ۹،۴لوک پای ایله ده قازاقیستان ایزله‌دی.

تورکیه، یوزده ۴۰،۶ آرتاراق ۱ میلیارد ۳۵۸ میلیون دلار اولان خاریجی تیجارت و یوزده ۶،۶لیق پای ایله اؤزبکیستانین ۴.جو بؤیوک تیجارت اورتاغی اولدو.