اردوغان: سوءقصد گیریشیمیدیر
"تک باشینا بیر اقتصادی سوءقصد گیریشیمینین دلیلیدیر"
جمهورباشقانی رجب طیب اردوغان، آمریکانین تهدید ائدیجی توتومو سببی ایله، آرتیق هئچ بیر اؤلکه‌نین سیاسی و اقتصادی گوونلیگی قالمادیغینی بیلدیردی.
اردوغان، عدالت و قالخینما پارتیسی (آک پارتی) توپلانتی‌سین‌دا دانیشدی.
چیخیشین‌دا ارزده‌کی یوکسلیشه دایر دگرلندیرمه وئره‌ن اردوغان، ارزین آگوست آیین‌دا بیر آندا ۷ تورک لیرا‌سی سویه‌سینه یوکسلمه‌سینین تک باشینا بیر اقتصادی سوءقصد گیریشیمینین دلیلی اولدوغونو دئدی.
اردوغان،
"آمریکا رهبرلیگینین اؤلکه‌میزین اگمنلیک حاقلارینا آچیقجا حؤرمت‌سیزلیک طلبلرینه جاواب وئرمدیک دئیه بئله بیر نتیجه‌نین اورتایا چیخماسی، مسئله‌نین تامامیله سیاسی اولدوغونا ایشاره ائدیر. تورکیه‌نین یاشادیغی بو حادثه دونیادا آرتیق هئچ بیر اؤلکه‌نین سیاسی و اقتصادی تهلوکه‌سیزلیگینین اولمادیغینین ایفاده‌سی‌دیر" شکلینده دانیشدی.
یوکسک بهره و یوکسک ارز قیمتینین بیر سؤمورو واسطه‌سی اولدوغونا ایشاره ائد‌ن اردوغان،
"تورکیه‌نی ارز قیمتی اوستون‌دن وورماق ایسته‌یه‌نلره جاوابیمیزی، قیمتین گلدیگی سویه‌نین اوستونلوکلرینی ایخراجات و بونونلا باغلی اولاراق اوره‌تیمه، استخداما عکس ائتدیره‌رک وئرمه‌لیییک" دئیه دانیشدی.
خاریج‌ده‌کی وطنداشلارا سس‌لنه‌ن اردوغان،
"قامویا علاوه گلیر گتیره‌جک قیزیل و یورولارینی دگرلندبرمه‌یه دعوت ائدیره‌م" دئدی.
میلی پول ایستیفاده‌سی وورغوسو ائد‌ن اردوغان،
"ایخراجات و ایدخالاتلا ایشی اولمایان هئچ کسین ارز ایله ایشی اولمامالی‌دیر. وطنداشلاریما مراجعت ائدیره‌م، پولوموزا، پولونوزا گوونین" ایفاده‌لرینی ایشلتدی.
ایلگیلی‌لی خبرلر
تورکیه-نین روسیا-یا حاضیر گئییم محصول‌لاری صادراتی آزالیب
ژانویه -مارس آیلاریندا تورکیه-نین روسیا-یا حاضیر گئییم محصول‌لاری صادراتی آزالیب.
