ترامپ دونیا تیجارت تشکیلاتینی بحرانا آپاریر

نیویورک تایمز قزئتی دونالد ترامپین گؤمروک وئرگی‌لریله علاقه‌لی دونیا تیجارت تشکیلاتی‌نین قبول ائدجگی قرارین یئنی مالیه بحرانینا سبب اولا بیله جگینی یازیب.

ایقتیصادی محاربه باشلا‌دان آبش پرزیدنتی ترامپ تیجارت مال‌لارینا گؤمروک وئرگی‌سینی آرتیردی، دونیا آیاغا دوردو.

ترامپین تک طرف‌لی اولا‌راق تعرفه لری آرتیرما قراری دونیا تیجارت تشکیلاتیندا دا ناراحات‌لیق دوغوردو.

نیویورک تایمز قزئتی‌نین خبرینه گؤره، ترامپین یئنی وئرگی قرارلاری تشکیلاتی بحرانا آپاریر. ترامپ پولاد و آلومینیوما تطبیق ائدیلن گؤمروک وئرگی‌لرینی، میللی تهلوکه‌سیزلیک یاخود دا امریکالی متال اوره تیجیلرینی قلوبال رقابت‌دن خلاص ائتمک اوچون دییشدیگینی سؤیله‌سه ده کانادا، مکزیک و آوروپا بیرلیگی کیمی دونیا تیجارت تشکیلاتی عضو‌لری اؤز متال‌لاری‌نین امریکایا تهدید اولمادیغینی بیلدیریر.

دونیا تیجارت تشکیلاتی ایسه قبول ائدجگی هر قرارین تاشکیلات داخیلینده پروبلئمه سبب اولا بیله‌جه‌ییندن ناراحات‌دیر.

تشکیلاتدا ترامپ رهبرلیگینه قارشی قبول ائدیله‌جک هر بیر قرارین امریکانین تشکیلات‌دان آیریلماسینا سبب اولا بیله‌جگی کیمی، بو اؤلکه لئهینه قبول ائدیله‌جک بیر قرار دا تشکیلاتین دیگر اؤلکه‌لر اوزرینده تأثیرینی آزالدیب، بو اؤلکه‌لری تشکیلاتین نورمالاریندان‌ کنارا چیخارا‌راق اؤز میللی تهلوکه‌سیزلیک منفعت‌لرینی قورومایا آپارا بیلر.