"برنت" نفتی‌نین قیمتی دییشمه‌دی

امریکا نفت انستیتوتونون راپورونا گؤره، اؤلکه‌دکی خام نفت ذخیره لری اؤتن هفته 4،51 میلیون بوشقا آزالیب.

سعودی عربیستانی حکومتی کراللیغین احتیاج اولدوغو حالدا، علاوه گوجون‌دن ایستیفاده ائتمه‌یه حاضر اولدوغونو آچیقلاییب. همچنین روسیا ایله بیرلیکده اوپک-ین اورتاق‌لاری اوره تیمی گونده‌لیک 1 میلیون بوشقا آرتیرماقلا باغلی راضیلاشماسی وورغولانیب.

لیبی، کانادا و ونزوئلا ‌دان قایناق‌لانان سبب‌لردن اولوسلار آراسی اوره تیمده آزالما وار. دیگر طرف‌دن، امریکانین ایرانین نفت بازارینا محصول چیخارماسی‌نین قارشی‌سینی آلماغا چالیشیر. بو، قیمت‌لره مثبت تأثیر ائدن عامل‌لردیر.

بعضی متخصص‌لر "برنت" نفتی‌نین گلن ایلکی قیمتینی 85 دو‌لار جیواریندا تخمین ائدیرلر. امریکا پرزیدنتی دونالد ترامپ ایسه اوپک-ین ان بؤیوک اوره تیجیسی سعودی عربیستانینا داها چوخ نفت اوره تمک و قیمت‌لری آشاغی سالماقلا باغلی تضییق‌لرینی داوام ائتدیریر.

حاضردا بورسالاردا "برنت" مارکا‌لی نفتین بیر بوشقاسی اؤتن گون سحر ساعت‌لاریندا قئیده آلینان قیمته - 78 دو‌لارا، غربی تگزاس نفتی ایسه نیسبتن اوجوزلاشا‌راق 74،42 دو‌لارا ساتیلیر.