کانادا، جی-7 لیدرلر ایجلاسینا ائو صاحب‌لیگی ائدیر
دونیانین ان بؤیوک ایقتیصادینا مالیک یئددی اؤلکه لیدرینی بیر آرایا گتیرن جی-7 لیدرلر ایجلاسی‌نین ایلک گونو باشا چاتدی
کانادا، جی-7 لیدرلر ایجلاسینا ائو صاحب‌لیگی ائدیر.
دونیانین ان بؤیوک ایقتیصادینا مالیک یئددی اؤلکه لیدرینی بیر آرایا گتیرن جی-7 لیدرلر ایجلاسی‌نین ایلک گونو باشا چاتدی.
کانادانین کبک ایالتینده گئچیریلن ایجلاسین ایلک گونونده ایکیطرف‌لی گؤروشمه‌لر واردی.
آمریکا‌نین پرزیدنتی دونالد ترامپ ایله کانادا باش ناظیری جاستین ترودا بیر آرایا گلدی.
گؤروشمه، ایکی اؤلکه آراسیندا گؤمروک گرگین‌لیگی‌نین کؤلگه‌سینده کئچیریلیب.
ترامپ، "موناسیبتیمیز چوخ یاخشی‌دیر. گؤمروک روسوم‌لارینی آزالتماق و اؤلکه‌لریمیز اوچون عدالت‌لی بیر نقطه‌یه گتیرمک اوچون چالیشیریق. چوخ مسافه ایشلر گؤردوک، اما نئجه داوام ائدجگینی گؤرجگیک." دئدی.
کانادا باش ناظیری ترودو ایسه گؤمروک وئرگی‌سی مسئله‌سی‌نین چوخ اهمیت‌لی اولدوغونو و ایکی اؤلکه‌نین ماراق‌لارینا دا زیان وئرمه‌دن حلّ ائدیلمه‌سی اوچون تلاش گؤستردیک‌لرینی بیلدیریب.
ترامپ، ترودو گؤروشمه‌سین‌دن سونرا ایسه فرانسا پرزیدنتی امانوئل ماکرون ایله بیر آرایا گلدی.
ترامپ ایله ماکرون، گؤروشمه‌ده آمریکا ایله آوروپا بیرلیگی آراسیندا تیجارت و گؤمروک وئرگی‌سی کیمی مسئله‌لری مذاکیره ائدیب.
ترامپ، "موناسیبتیمیز چوخ یاخشی، اما تیجارت مسئله‌سینده بعضی تست‌لر یاشادیق. مثبت شئی‌لر اولاجاغینی دوشونورم." ایفاده‌لرینی ایستیفاده ائتدی.
ماکرون ایسه هر ایکی طرفین الده ائدجگی بیر فورمولون اولماسی اوچون طرف‌لرین ایستک‌لی اولدوغونو گؤردوگونو و بون‌دان ممنونلوق دویدوغونو ایفاده ائدیب.
ایلگیلی‌لی خبرلر
تورکیه-نین آذربایجانا سیمان محصول‌لاری صادراتی‌نین حجمی آچیقلاندی
ژانویه-آوریل آیلاریندا تورکیه-نین آذربایجانا سیمان محصول‌لاری صادراتی‌نین حجمی آچیقلاندی.
