نفت هفته‌یه اوجوزلاشماقلا باشلادی

اؤتن هفته 80،02 دو‌لارا ساتیلماقلا ایللیک رکوردو یئنیله‌ین "برنت" نفتی بورسالارین آچیلیش سئانس‌لاریندا یئنی‌دن اوجوزلاشیب. ایلک سئانسدا 74،82 دو‌لارا ساتیلان نفت سونرا‌دان دیر قازانماغا باشلاییب. حاضیردا "برنت" نفتی‌نین بیر بوشقاسی 75،59 دو‌لاردیر، بو، هفته سونو قئیده آلینان سون قیمت‌دن اوجوز، بو هفته‌نین ایلک سئانس‌لارین‌داکی قیمت‌دن ایسه باها‌دیر.

غربی تگزاس نفتی‌نین قیمتینده ده آنالوژی وضعیت موشاهیده اولونور. ایلک سئانسدا 65،93 دو‌لارا ساتیلان WTI مارکاسی‌نین قیمتی سحر کئچیریلن تیجارت معامله لرینده 66،86 دو‌لارا چاتیب. ایکی مارکا آراسیندا قیمت فرقی یئنه ده 8 دو‌لاردان آرتیق‌دیر کی، بو دا قیمت‌لرین سیاسی سبب‌لردن فورمالاشدیغینی گؤستریر.