پوتین دلارا ساواش آچدی

روسیا پرزیدنتی ولادیمیر پوتین، آمریکا دلاری حاکمیتینه ساواش آچدی.

پوتین، روسیا پارلمانی آلت قانادی دومادا میلت وکیللرینه خطابین‌دا، دلارین قلوبال تیجارتی معین ائتمه‌سینی تنقید ائد‌رک، بوندان قورتولماغین لازیم اولدوغو بیلدیردی.

دلارداکی انحصارین، بیر چوخ اؤلکه اوچون تهلوکه یاراتدیغینی وورغولایان پوتین،

"دلارا باغلی‌لیغی دوشوررک، روس اقتصادینین اگمنلیگینی قورویوب ساخلاماغیمیز لازیم‌دیر" دئدی.

ولادیمیر پوتین، دونیا تیجارت هؤرگوتونون قوراللارینی تئز تئز پوزان آمریکانین، تحریم آدی آلتین‌دا آلینان سیاسی قرارلار اوزرین‌دن اوستونلوک تامین ائتمه‌یه چالیشدیغینی دئدی.

تیجارتین دلارلا آپاریلماسینین بیر یوک اولدوغونو قید ائد‌ن پوتین، بو یانلیشدان واز گئچمه‌لری لازیم اولدوغونو بیلدیردی.

روس لیدئر،

"اورتاقلاریمیز، بوتون بو یاسادیشی محدودیتلری تطبیق ائد‌رک، اولوسلارآراسی تیجارت پرینسیپلرینی پوزاراق بیزه کؤمک ائدیر. چونکو بوتون دونیا آمریکانین تک‌الینین گوونلی اولمادیغینی، بیر چوخ اؤلکه اوچون تهلوکه‌لی اولدوغونو گؤرور. بیز قیزیل و ارز ارزرولریمیزی چئشید‌لندیریریک و بونو ائتمه‌یه ده داوام ائدجییک" دئدی.

روسیا، ژانویه رقملری اعتباریله رزروینین یالنیز یوزده ۴۶سینی آمریکا دلاری اولاراق ساخلاییر.