تورک اتومبیل صنایع سینده رکورد قیریلیب
تورک اتومبیل صنایع سی، سون 12 آیدا 30 میلیارد دولارلیق صادرات ایله یئنی بیر رکوردا ایمضا آتیب.
تورک اتومبیل صنایع سی، سون 12 آیدا 30 میلیارد دولارلیق صادرات ایله یئنی بیر رکوردا ایمضا آتیب.
تورکیه صادرات چیلار مجلیسینین (تیم) معلوماتینا گؤره، آوریل آییندا ان چوخ صادرات رئاللاشدیران سکتور، 2 میلیارد 903 میلیون دولارلا یئنه اتومبیل اولوب. صادرات حجمی آوریل آییندا اؤتن ایلین عینی دؤورونه موقاییسهده 26،6% آرتیب.
اتومبیل صنایعسی صادراتی، 2018-جی ایلین 4 آییندا بیر اوولکی ایلین مووافیق دؤورونه موقاییسهده 19،8% آرتیملا 11 میلیارد 130 میلیون دولارا چاتیب.
اتومبیل صنایعسی، 2018-جی ایلین ایلک 4 آییندا ان بؤیوک صادراتی 1 میلیارد 657 میلیون 340 مین دولار ایله آلمانیایا رئاللاشدیریب. بو اؤلکهنی 1 میلیارد 273 میلیون 383 مین دولار صادرات ایله ایتالیا، 1 میلیارد 193 میلیون 780 مین دولارلیق صادرات ایله ده فرانسا ایزلهییب.
ایلگیلیلی خبرلر
تورکیهنین صنایع ایستحصالی آرتدی
تورکیه استاتیستیک تشکیلاتی (تویک) نتیجهلرینه گؤره، صنایع ایستحصالی ایندکسی یوزده 4.3 آرتیب