هرمس مارکاسی تورکیه-یه ماراق گوستریر

دونیا شهرتلی لوکس گئییم مارکالاریندان‌ بیری اولان Hermes تورکیه‌یه بؤیوک ماراق گؤستریر.

Hermes اینترناسیونال ایداره هئیتی‌نین عضوو خاویر هرمس یاخین گون‌لرده تورکیه ایله باغلی فورصت‌لری دیرلن‌دیره‌جک‌لرینی بیلدیردی.

هرمسین صاحب‌لرین‌دن بیری، خاویر هرمس و اینگیلتره شاه‌زاده‌سی مایکل فرانکلین ایستانبولدا "تاکسیم 360" لاییحه‌سی‌نین ساتیش اوفی‌سینده اولدولار.

ایستانبولا توریست کیمی گلن هرمس و هئیتی بی اوغلو بلدیه‌سی‌نین صدری احمد میسباح دمیرجان‌دان لاییحه حاقیندا معلومات آلدی‌لار.

خاویر هرمس لاییحه‌نین بؤیوک سعی‌لرین نتیجه‌سی اولدوغونو بیل‌دیره‌رک، اونون چوخ اوغورلو اولاجاغینا ایناندیغینی دئدی.

هرمس شیرکت اولا‌راق گله‌جکده تورکیه-نی داها یاخشی تانیماق اوچون سعی گؤستره‌جک‌لرینی، یئنی سرمایه‌لر اوچون چالیشا‌جاق‌لارینی بیلدیردی.

ایستانبولو چوخ سئودیگینی بیل‌دیرن هرمس: "بورادا (تاکسیم 360) بیر منزیلیمین اولماسینی ایستردیم" دئدی.

بی اوغلو بلدیه‌سی‌نین صدری احمد میسباح دمیرجان دا لاییحه‌نین اولدوغو اراضی‌نین 120 ایل اول اینشا ائدیلدیگینی خاطیرلاتدی، یئنی‌دن قورمانین کؤهنه بینا‌لارین روحونو قورویا‌راق حیاتا کئچیریلدیگینی قئید ائتدی.

بؤلگه‌نین توریست‌لرین اساس سئودیگی یئرلردن بیری اولاجاغینی وورغولایان دمیرجان دونیا شهرت‌لی مارکا‌لاردان بورایا سرمایه قویما‌لارینی گؤزلدیک‌لرینی سؤیله‌دی.