دونیادا نفته اولان طلبات آرتا‌جاق

دونیا سویه‌سینده نفت طلباتی 2018-2023-جو ایللرده گونده‌لیک 6،9 میلیون بوشقا آرتا‌راق، 104،7 میلیون بوشقایا یوکسه‌له‌جک.

اولوسلار آراسی انرژی آژانسی‌نین (IEA) 5 ایللیک بازار تحلیلیندن سونرا یادیغی "Oil 2018 " راپورونا گؤره، امریکا، برزیل، کانادا و نروژ-ده نفت اوره تیمی آرتا‌راق داوام ائده‌جک.

بو دؤورده گلوبال نفت تداروکون‌دکی بؤیومه‌نین 60%-ی امریکانین پایینا دوشه‌جک.

دونیا سویه‌سینده نفت طلباتی 2018-2023-جو ایللرده گونده‌لیک 6،9 میلیون بوشقا آرتا‌راق، 104،7 میلیون بوشقایا یوکسه‌له‌جک.

گلوبال میقیاسدا نفت طلباتی‌نین آرتماسینا آسیا‌داکی اقتصادی آرتیم و امریکاداکی پتروکیمیا (پتروشیمی) صنایعسی تأثیر ائده‌جک.

سؤزوگئدن دؤورده گلوبال نفت اوره تیم گوجو ده گونده‌لیک 6،4 میلیون بوشقا آرتیملا 107 میلیون بوشقایا چیخا‌جاق.

بوندان باشقا، نفت صادر ائدن اؤلکه‌لر تشکیلاتی‌نین (اوپک) خام نفت اوره تیمی ایسه 2023-جو ایلدک گونده‌لیک 750 مین بوشقا آرتا‌جاق.

راپوردا فیکیرلرینه یئر وئریلن IEA صدری فاتح بیرول نفت ساحه‌لرینه قویولان یاتیریملارین یئترلی اولماماسی‌نین گلوبال بازارلاردا ناراحات‌لیق یاراتدیغینی بیلدیردی.

ثمره لیلیگی آزالان نفت یاتاق‌لاری‌نین داها چوخ سرمایه طلب ائتمه‌سی مسئله‌سینه توخونان بیرول: "گلوبال سویه‌ده گونده‌لیک 3 میلیون بوشقا نفتین ایتکی‌سینی انگل لمک اوچون بو یاتیریملار قویولما‌لی‌دیر. بو میقدار قوزیی دنیزین‌دن چیخان میقدارا برابردیر" ایفاده‌سینی ایشلتدی.