تورکیه-نین توریزم گلیرلری آرتدی

تورکیه‌نین توریزم گلیری، 2017-ده، 2016-جی ایله موقاییسه‌ده 18،9% آرتا‌راق 26،3 میلیارد دو‌لار تشکیل ائدیب.

تورکیه دؤولت ایستاتیستیک کومیته‌سی‌نین آچیقلادیغی 2017-جی ایله مخصوص توریزم ایستاتیستیکلری راپورونا گؤره توریزم گلیری‌نین 77،4% خاریجی توریست‌لردن، 22،6% فایزی ایسه خاریجده یاشایان تورک وطنداش‌لارین سفریندن الده ائدیلیب.

اؤتن ایل الده گلیرین 21 میلیارد 461 میلیون 603 مین دو‌لارینی شخصی خرج‌لر، 4 میلیارد 822 میلیون 53 مین دو‌لارینی ایسه سیاحت تورلاری تشکیل ائدیر.

همین دؤورده آدام باشینا خرج‌لنن میقدار 681 دو‌لار، خاریجی‌لرین فرد باشینا اؤلکه‌میزده خرجله‌دیکلری 630 دو‌لار، اؤلکه خاریجینده یاشایان تورکیه وطنداش‌لارین خرجله‌دیک‌لری ایسه 903 دو‌لار اولوب.

تورکیه سرحد قاپیلاریندان‌ خاریجه چیخان‌لارین سایی ایسه 2017-ده، 2016-جی ایله موقاییسه‌ده 23،1% آرتا‌راق 38 میلیون 620 مین 346 نفره چاتیب.