تورک آخینی لاییحهسی واختیندا تاماملاناجاق
روس انرژی شیرکتی گاز پروم، تورک آخینی لاییحهسینین هر ایکی قولونون 600 کیلومتردن چوخونون باشا چاتدیغینی آچیقلادی.
روس انرژی شیرکتی گاز پروم، تورک آخینی لاییحهسینین هر ایکی قولونون 600 کیلومتردن چوخونون باشا چاتدیغینی آچیقلادی.
گاز پروم سؤزچوسو سرگئی کوپریانوو، روسیا 24 تلویزیون کانالینا وئردیگی موصاحیبهده، "هر ایکی قولدا 600 کیلومتردن آرتیق بورو چکیب. ایشلر گونده تخمینن 4 کیلومتر سرعتله داوام ائدیر، بو چوخ یوکسک گوستریجی" ایفادهلرینی ایشلتدی.
کوپریانوو، "ایشلر سون سرعت داوام ائدیر و بیان ائدیلن واخت باشا چاتاجاق، دئدی.
گازپروم-ون 7 می ده اینشاسینا باشلادیغی تورک آخینی لاییحهسی، هر بیری 15.75 میلیارد مکعب متر حجملی ایکی بورو کمرینین تیکینتیسینی نظرده توتور.
تورکیهنین طبیعی گاز احتیاجینی قارشیلایاجاق ایلک بورو کمری 2018-جی ایلین مارت آییندا فعالیته باشلایاجاق. آوروپایا اوزاناجاق ایکینجی قولوندا 2019-جی ایلده ایستیفاده یه وئریلمهسی گؤزلنیلیر.
ایلگیلیلی خبرلر
تورکیه-نین آذربایجانا سیمان محصوللاری صادراتینین حجمی آچیقلاندی
ژانویه-آوریل آیلاریندا تورکیه-نین آذربایجانا سیمان محصوللاری صادراتینین حجمی آچیقلاندی.