نفتین قیمتی 63-64 دولار آراسیندا دییشیر
دونیا بازاریندا خام نفتین قیمتلرینده باهالاشما قئیده آلینیب.
"برنت" مارکالی نفتین بیر بوشقاسی 60 سنت باهالاشاراق 63،40 دولاردان ساتیلیر. غربی تگزاس نفتی ایسه 57،20 دولاردان تکلیف اولونور. اوپک و روسیا باشدا اولماقلا غیری اوپک اؤلکهلرینین نفتین اوره تیمینی آزالتماقلا قیمتلری باهالاشدیرماق سیاستی اؤز تاثیرینی تام گؤسترمیر. راپورلاردان معلوم اولور کی، دونیا اؤلکهلرینین نفت ذخیره لری آزالیر. اوپک-ین آنلاشماسی ایله بو پروسئس داوام ائدهجک. بونونلا بئله قیمتلر گؤزلنیلن سویهیه قالخمیر.
قیمتلرین یوکسلمهسینی تورموزلایان اساس سبب امریکادان قایناقلانیر. اوپک اوره تیمین آزالدیلماسینی 2018-جی ایلین سونونا قدر اوزادارکن، گلن ایل امریکادا گوندهلیک اوره تیم 10 میلیون بوشقادان چوخ اولماقلا رکورد سویهیه چاتاجاق. بو ایسه قیمتلرین اوجوزلاشاجاغی دئمکدیر.
اورتا دوغودا و یاخود ایستنیلن نفت اوره تیجیسی اولان اؤلکهده محاربه و ثابیتلیگین پوزولماسی کیمی حال باش وئرمهسه قیمتلرین 70 دولارا چاتماسی بارهده اومیدلر اؤزونو دوغرولتمایاجاق.
ایلگیلیلی خبرلر
تورکیه-نین آذربایجانا سیمان محصوللاری صادراتینین حجمی آچیقلاندی
ژانویه-آوریل آیلاریندا تورکیه-نین آذربایجانا سیمان محصوللاری صادراتینین حجمی آچیقلاندی.