تورک مقاطعهچیلردن یئنی پروژهلر
زیبکجی، خاریجده پروژه آلان شیرکت ساییسینین بو گونه قدر ۲ مینه یاخین اولدوغونو ایفاده ائتدی
![تورک مقاطعهچیلردن یئنی پروژهلر](http://cdn.trt.net.tr/images/xlarge/rectangle/b26d/4b37/76d9/598fffef5ef82.jpg?time=1718871597)
اقتصاد باخانی نیهات زیبکجی، تورک مقاطعهچیلرین، اؤتن ایل ۵۷ مختلیف اؤلکهده ۱۳.۱ میلیارد دلارلیق یئنی پروژه آلدیغینی سؤیلهدی.
زیبکجی، باغیمسیز بیر سیویل توپلوم تشکیلاتی اولان و ۱۹۵۲ ایلینده قورولان تورکیه مقاطعهچیلر بیرلیگینین حاضردا ۱۲۲ عضوو اولدوغونو بیلدیردی.
تورک مقاطعهچیلیک شیرکتلرینین ۱۹۷۲ ایلیندهن بو گونه قدر ۱۱۸ اؤلکهده ۳۵۰ میلیارد دلار دگرینده ۹ میندن چوخ پروژه حیاتا گئچیردیگینی وورغولایان باخان زیبکجی، خاریجده پروژه آلان شیرکت ساییسینین بو گونه قدر ۲ مینه یاخین اولدوغونو ایفاده ائتدی.
اقتصادی باخانی، تورک مقاطعهچیلرین یورددیشی پروژهلرینه دایر ده معلومات وئردی.
زیبکجی،
"۲۰۱۶ ایلینده شیرکتلریمیز ۵۷ فرقلی اؤلکهده ۱۳.۱ میلیارد دلارلیق یئنی پروژه آلمیشلار. ۲۰۱۷.جی ایلین اکتبر آیی اعتباریله ایسه ۹.۷ میلیارد دلارلیق گرچکلشمه مؤوجوددور. ۲۰۱۶.جی ایلده پروژه ساییسینا گؤره قطر، روسیا، عربیستان، اؤزبکیستان و بحرین ایلک بئشده یئر آلان اؤلکهلردیر" دئدی.
ایلگیلیلی خبرلر
![تورکیه-نین آذربایجانا سیمان محصوللاری صادراتینین حجمی آچیقلاندی](http://cdn.trt.net.tr/images/medium/rectangle/f950/f2f9/de4f/63b438214e36f.jpg?time=1718871597)
تورکیه-نین آذربایجانا سیمان محصوللاری صادراتینین حجمی آچیقلاندی
ژانویه-آوریل آیلاریندا تورکیه-نین آذربایجانا سیمان محصوللاری صادراتینین حجمی آچیقلاندی.